VACCINATION ROLL OUT SA PASAY PATULOY

IPINAGPATULOY ng lokal na pamahalaan ng Pasay ang vaccination roll out hanggang kahapon na lamang ang para sa mga matatanda na may co-morbidities sa dalawang vaccination sites sa lungsod.

Sa Face Book page ng Pasay City Public Information Office (PIO), ang mga matatandang nais na magpabakuna ay inaanyayahang magtungo sa Corazon Aquino Elementary School (CAES) at Andres Bonifacio Elementary School (ABES).

Para sa mga senior citizens na nakatira sa bisinidad ng Barangay 183, 191 at 201 ay maaa­ring pumunta ang mga ito sa CAES para sa kanilang baksinasyon laban sa COVID-19 mula alas- 8 ng umaga hanggang alas-4 ng hapon lamang.

Sa mga matatanda naman na nagpalista at naninirahan sa Barangay 63 hanggang 75; 80 hanggang 100; 106-107; 113 hanggang 119 gayundin ang mga nasa Barangay 136 hanggang 143 ay maaaring magtungo sa ABES para rin sa kanilang baksinasyon.

Naka-iskedyul naming mabakunahan ngayong araw hanggang bukas ang mga nagpa­listang mga matatanda mula sa Zone 1 hanggang 15 sa CAES habang ang mga matatandang residente naman ng Zone 16 hanggang 20 ay nakaiskedyul ng kanilang pagbabakuna sa BAES.

Pinaaalalahanan naman ng lokal na pamahalaan ang mga may nais na magpabakuna na magdala lamang ng kanilang medical certificate o maintenance prescription bago pa man din sila mabakunahan.

Matatandaan na sinimulang ng lokal na pamahalaan ang inoculation sa mga nasa kategor­ya A2 at A3 nito lamang Marso 29 na isinagawa sa Timoteo Paez Elementary School (TPES) para sa senior citizens at sa ABES naman para sa mga residente ng District 1 at sa Corazon Aquino High School (CAHS) para naman sa mga residente ng District 2.

Sa pagbisita ni Calixto-Rubiano noong Marso 31 sa TPES ay nangako na kanilang ipagpapatuloy ang vaccination program dahil mayroon pang inaasahang bakuna sa mga darating na linggo at buwan. MARIVIC FERNANDEZ