Bakit ba laging napakahirap humanap ng regalo sa boyfriend kung Valentine’s Day. Sa babae, pwede na ang chocolates and roses. Pwedeng dagdagan ng stuffed toy, o kaya naman, kahit anong alahas, damit o bag. Pero sa lalaki, laging namomroblema ang kababaihan.
Huwag mag-alala. Meron tayong mga suggestion na sana ay makatulong sa inyo. Pumili na kayo para hindi na kayo mahirapan.
- Para sa lalaking meron na ng lahat – yung rich boy baga
Kung mayaman ang boyfriend mo, at wala ka nang maisip na panregalo sa kanya ngayong Valentine’s Day, don’t worry! Heto ang ilang 
pagpipilian ninyo
Panonnood ng sporting event
Parang imposible sa panahon ng pandemya pero di ba okay ang sports date night? Magugustuhan niya ito, for sure.
Erasable and Reusable Notebook
Mahirap hanapin ito sa mga bookstore dahil bukod sa mahal, bihira kasi ang bumibili. Simple lang ito pero unique at talagang magagamit niya. Sa totoo lang, para sa mga taong meron na ng lahat, yung mga simpleng bagay ang wala siya. At ang pinakaimportante sa lahat, habang ginagamit niya ang notebook, naaalala ka niya.
* A love letter
Kelan ka ba huling nakatanggap ng love letter – actually, kahit simpleng letter lang. Hindi na kasi uso. Email na ngayon, Twitter, Facebook at
Instagram. Kaya kung bibigyan mo siya ng love letter, con todo perfumed stationary, hindi ba kakaiba? Ibalik ninyo ang inyong boyfriend sa panahong napakahalaga ng stationary paper at ballpen sa magkasintahan.
Ngayong Valentine’s Day, regaluhan siya ng bagay na may personal touch, sa pamamagitan ng paglalahad ng iyong emosyon at damdamin para sa kanya.
* Short, memorable trip
Umisip ka ng paborito ninyong lugar at puntahan ninyo sa Valentine’s Day na may side trip sa isang sikat na restaurant o museum.
Pero siguruhin mong sa Metro Manila lang para matatapos sa loob ng isang araw. Kung sobra siyang busy sa trabaho, gawing relaxing ang Valentine’s Day treat para sa kanya. Pwede rin sigurong magsama kayo sa massage spa bago ang dinner date sa dakong gabi.
Mukhang simple lang ito pero siguradong pareho ninyong magugustuhan.
- Para sa BF na malayo sa’yo
Simple ‘I love you’ will do, pero i-personalize mo sa pamamagitan ng pagsusulat nito sa likod ng sexy printed picture mo.
- Sa mga lalaking mahilig sa karne
Pwede na ang Beef Jerky o kahit anong home-cooked ulam na sana, ikaw ang nagluto para extra special. Ito yung best way to say “I love you” at napangalagaan mo rin ang kanyang kalusugan.
- Para sa BF na magaling magluto
Ewan! Siguro, frying pan, kaserola o mini oven na panggawa ng cookies. Pwede ring camping kasama siya, complete with camping treats na
siya ang magluluto.
Kung walang wala ka na talagang maisip, settle for a bottle of wine o kaya naman ay home prepared dinner date, plus a movie marathon pagkatapos kumain at the comfort of your living room, complete with popcorn at soda.
Mahirap kasing makipagsiksikan sa mga sinehan kapag Valentine’s Day.
Hindi lang sa movies, mayroon pang pang isa – alam nyo na! Sa lugar na malamig at maraing salamin. JAYZL VILLAFANIA NEBRE
