BUTUAN CITY- APAT katao ang inulat na nasawi habang walong kasamahan nito ang sugatan nang mahulog ang sinasakyang van sa gilid ng ilog kahapon ng umaga sa nasabing lalawigan.
Sa inisyal na ulat ng Butuan City Police Office, may apat na nasawi sa nahulogh na passenger van sa pampang ng isang ilog sa nasabing siyudad nitong Martes.
Lumilitaw sa pagsisiyasat, tinatahak ng puting passenger van lulan ang 12 katao ang kahabaan ng national highway nang biglang nawalan umano ng kontrol sa sasakyan ang driver nito.
Kaya’t hindi na naiwasan na sumalpok ito sa steel barrier at nagtuloy-tuloy hanggang sa pampang ng ilog na naging sanhi rin ng pagkasugat ng walong iba pa.
Sinasabing nagmula ang mga biktima sa Cagwait, Surigao del Sur at binabaybay ang direksiyon patungong Butuan nang mangyari ang aksidente.
Patuloy ang ginagawang pagsisiyasat sa insidente. VERLIN RUIZ
