MAGIGING special guest si Philippine Olympic Committee (POC) President Ricky Vargas sa session ng Philippine Sportswriters Association (PSA) Forum ngayon sa Amelie Hotel-Manila.
Makakasama ni Vargas sa Forum si Ed Picson, secretary general ng Alliances of Boxing Association in the Philippines (ABAP), kung saan presidente rin si Vargas.
Inaasahang tatalakayin ng dalawa ang pagsasanay ng mga atleta at ang paghahandang isinasagawa ng Olympic governing body ng bansa hinggil sa hosting ng 30th Southeast Asian Games sa Disyembre.
Inimbitahan din sa 10:30 a.m. public sports program sina POC Chairman Abraham ‘Bambol’ Tolentino at POC secretary general Patrick Gregorio.
Matapos ang Forum ay panunumpain ni Vargas sa tungkulin ang mga bagong opisyal ng PSA, sa pangunguna ni president Tito S. Talao ng Manila Bulletin.
Comments are closed.