VICE GANDA BIGONG MAKAPASOK SA SIMBAHAN SA BARCELONA

AYON kay Vice Ganda ang pinakamalaking achievement na nagawa niya sa kanyang buhay ay matupad ang matagal ng hiling ng kanyang ina na madala ito sa simbahan ng Barcelona. Makikita nga sa Instagram post ni Vice ang larawan nilang mag-ina habang nasa labas ng isang lumang simbahan.

Kuha ang larawan sa isang malaking simbahan sa Barcelona, Spain kung saan naroon ang Sagrada Familia. Sa caption ni Vice, last year pa sinabi sa kanya ng ina na gusto nitong makapunta sa Barcelona para makita ang Sagrada Familia.

Natupad naman ito ni Vice na madala ang kanyang ina sa sagradong simbahan pero nagkaroon sila ng problema dahil lahat pala na pupunta roon ay kailangang mag-advance booking para makapasok sa simbahan. Mabuti na lang nagawan ng paraan ng kaibigan at koneksiyon ni Vice sa Barcelona.

Pero hindi pa roon natapos ang problema ni Vice dahil isa lang ang puwedeng pumasok kaya hinayaan na lang ng sikat na komedyante ang kanyang ina na makapasok para matupad ang pa­ngarap nito na masilayan ang Sagrada Familia sa loob ng simbahan.

Masasabi nga ni Vice na siya na ang pinakamaligayang anak sa mundo dahil natupad niya ang kahilingan ng kanyang ina. Matanda na ang nanay ni Vice kaya lahat ng bagay na magpapaligaya sa ina ay kanyang ginagawa at tinutupad hanggang sa abot ng kanyang makakaya.

JASMINE CURTIS-SMITH KEBER KAHIT TAWAGIN NA ANOREXIC

WALANG pakialam na ipinakita ni Jasmine Curtis-Smith ang kanyang slim na katawan kahit na nga sinasabing anorexic ang kanyang ganda. Ipinost niya ang larawan na naka-two piece habang siya ay nagbabakasyon sa Australia.

Comment nga ng kanyang Ate Anne  sa naturang larawan ay, “I love you and I love your body!”

Dahil sa tapang na i-display ang payat na katawan ay hinangaan siya ng ilang followers dahil na­ging inspirasyon siya ng mga ito na mahalin ang katawan.

Sagot nga ni Jasmine, “If you feel good and are healthy, LOVE  YOURSELF.”