VICE GANDA INOKRAY ANG DIRECTOR NA NANG-OKRAY KAY KARYLLE

SINO ang It’s Showtime director na inokray ni Vice Ganda dahil bumuo ng chat group na hindi kasama si Karylle?

Bahala na kayong manghula. Basta inihirit ni Vice ng pabiro na may time na napagkaisahan si Karylle na hindi isali sa chat group. Sabi ni Vice, pinakamasakit sa pakiramdam na ma-left out sa isang chat group ng magbarkadahan.

“Kahit sa chat group lang, e, di ba? Yung biglang tinanggal ka. ‘Ay, bakit ako na-remove?'”

Singit na tanong ng co-host na si Ogie Alcasid, “E, pa’no pag dinelete mo yung pangalan mo?”

Sagot ni Vice, “Kung ikaw ang nag-delete, okay yun. Pero yung ni-remove ka sa group, O kaya may chat group kayo, may iba pa pala silang group, ikaw lang ang wala, masakit iyon, ani Vice.

“Ayyyy!!!” reaksiyon ni Ogie.

Sabay hirit ni Vice sa kanyang co-hosts, “Aminin niyo! Ginawa natin kay Karylle ‘yan dati!”

Gets naman ito agad nina Karylle, Vhong Na­varro, Ryan Bang, Teddy Corpus, Jugs Jugueta, Ion Perez, at Jackie Gonzaga. Pati si Kim Chiu, natawa rin.

Susog naman ni Teddy, “Sino leader nun? Sino admin?”

Sagot ni Vice, “Yung director. Charot!”

May kinalaman ang group chat na wala si Karylle sa tampuhan nila ni Vice noong 2014.

Nagtampo kasi si Vice kay Karylle nang hindi ito dumating sa victory party ng box-office film niyang Girl, Boy, Bakla, Tomboy dahil “tinatamad” ito.

Pero tapos  na yon at bati na uli ang dalawa dahil marami raw emissary tulad nina Amy Perez at Iza Calzado. — KNMartin