Bukas si Senador Cynthia Villar na magkaroon ng term-sharing sa pagitan nila ni Senate Majority Leader Juan Miguel Zubiri.
Ito ayon kay Sen. Ronald “Bato” dela Rosa.
“Open naman si Senator Cynthia ng term sharing. In fact, nag-offer siya noon pa, nag-offer siya ng ganoon. I’m not sure with Migz kung okay sa kanya pero kay Ma’am Cynthia is okay naman siya mag-term sharing,” ani Dela Rosa.
Sina Villar at Zubiri ay kabilang sa mga senador na sinasabing nag-aagawan para sa pinakamataas na puwesto sa Senado.
Sa isang panayam noong nakaraang linggo, tumanggi si Zubiri na magkomento sa pagbabahagi ng mga termino sa iba pang mga contenders para sa posisyon, ngunit nang tanungin muli tungkol sa posibleng deal, sinabi ng Senate majority leader nitong Lunes na hindi pa napag-uusapan ng mga senador ang bagay na ito at ang ilan sa kanyang mga kasamahan ay sumasalungat na sa ideya. LIZA SORIANO