PINAGAGAWAN ni House Deputy Speaker Johnny Pimentel ang National Disaster Risk Reduction and Management Council (NDRRMC) ng bagong template para sa pagtatayo ng emergency evacuation centers na resistant sa COVID-19.
Ang rekomendasyon ng kongresista ay bunsod na rin ng inaasahang sunud-sunod na kalamidad tulad ng mga bagyong tatama sa bansa.
Ayon kay Pimentel, hindi nila gugustuhin na ang mga evacuation center pa ang maging dahilan ng mabilis na pagkalat ng virus partikular na sa mga komunidad na kinakailangang ilikas agad dahil sa baha.
Hihimukin ng kongresista ang NDRRMC at ang Inter-Agency Task Force (IATF) na maglatag ng bagong standards at guidelines para sa mga bagong evacaution center na resistant sa mga highly contagious respiratory diseases.
Hindi na aniya maaaring ilagay sa temporary shelters, school buildings at gymnasiums ang mga residente kapag bumagyo dahil wala ditong sapat na precautionary measures laban sa COVID-19.
Para maging virus-resistant, kailangang mas kakaunti ang tao sa evacuation centers upang mayroong pagitan sa makeshift tents at dapat nakahiwalay din ang lugar para sa matatanda at iyong mayroong health conditions.
Dagdag pa ng mambabatas, dapat kumpleto rin ang evacuation centers ng mga pasilidad tulad ng temperature scanners, hugasan ng kamay, comfort rooms at spaat na supplies ng face masks.
Importante rin ang palagiang ma-disinfect ang lugar at gawing contactless ang pamamahagi ng pagkain. CONDE BATAC
Related posts:
P42-M WATER METERS GALING SA YOLANDA FUND
(NDRRMC nakatutok sa Isabela at Cagayan) LANDSLIDES AT FLASHFLOODS PINANGANGAMBAHAN
PINAS LIGTAS SA MISTERYOSONG VIRUS
UNANG KASO NG BAGONG VIRUS SA CHINA, NAITALA SA THAILAND
PASLIT NA POSITIBO SA CORONA VIRUS TINUTUTUKAN
(Sa banta ng COVID-19) PUBLIKO PINAKALMA NI DIGONG
(Sa MV Diamond Princess) 41 PINOY NA ANG POSITIVE SA COVID-19
PINOY SA SINGAPORE POSITIVE SA COVID-19
Comments are closed.