PAGKAKALOOBAN ng Bureau of Immigration (BI) ng visa-free entry ang mga balikbayang turista sa ilalim ng Balikbayan Program ng pamahalaan mula sa Disyembre 7.
Ayon kay BI Commissioner Jaime Morente, ang binabanggit na mga balikbayan ay dating Filipino citizens, kasama ang asawa, mga anak nito ay pagkakalooban ng libreng entry visa sa ilalim ng Executive Order No. 408, series of 1960.
Itoy matapos magpalabas ng latest resolution ang Inter-Agency Task Force (IATF) COVID-19, ng panibagong guide-lines bilang garantiya sa maayos na pagpapatupad ng polisiya.
Sa ilalim ng bagong guidelines, ang inbound balikbayan tourists ay kinakailangang galing sa visa-free country, mayroong pre-booked quarantine facility, mayroon ding pre-booked COVID-19 testing laboratory sa airport, at higit sa lahat nasa maximum capacity ang sakay ng eroplano sa date of entry.
At dagdag pa ni Morente, ang mga dating Filipino citizens na gustong mag- avail ng balikbayan privilege ay kailangang magprisinta ng kanilang mga lumang Philippine passports o kaya ay kopya ng birth certificate sa Immigration counter upon arrival.
Ang mga asawa at anak ay kinakailangang magprisinta ng marriage certificates at birth certificates, at pumila para maging madali ang verification at processing ng kanilang mga dokumento.
Ang Balikbayan Program ay inilunsad ng pamahalaan upang hikayatin ang mga overseas Filipino na bumisita sa kanilang motherland, at bilang pagbibigay pugay sa kanilang naitulong sa ekonomiya ng bansa.
Sa kasalukuyan ay nananatili pa rin ang iba pang travel restrictions sa mga inbound passenger habang kinakaharap ng bansa ang COVID-19 pandemic. FROILAN MORALLOS
Comments are closed.