VISMIN CUP: TALISAY WALANG DUNGIS

NAKUMPLETO ng MJAS Zenith-Talisay City ang makasaysayang first round sweep sa Chooks-to-Go Pilipinas VisMin Super Cup-Visayas Leg nang magaan na dispatsahin ang Tabogon, 85-65, kahapon sa Alcantara Civic Center sa Cebu.

Matikas na nakihamok ang Tabogon sa kaagahan ng laro at nakadikit sa 34-39 sa unang minuto ng third period ngunit humagibis ang Aquastars,  tinaguriang pre-tournament favorite bunsod ng presensiya ng mga tigasing ex-ABL playersL tungo sa 28-10 run para palobohin ang bentahe sa 23 pun-tos, 67-44, tungo sa final period.

Sa final period, hindi na bumitaw ang Aquastars, sa pangunguna nina marksman Patrick Cabahug, athletic wingmen Egie Boy Mojica at Jaymar Gimpayan, na nagsalansan ng 26 puntos sa matikas sa scoring run tungo sa ikalimang sunod sa six-team tournament.

Umiskor sina Cabahug at Mojica ng tig-13 puntos, nagdagdag  si Gimpayan ng 9 puntos at 9 rebounds, habang kumamada si big man Jhaymo Eguilos ng 8 puntos, 7 rebounds, 3 assists, at 3 blocks.

Nagbida sa Tabogon si Cebuano star Gayford Rodriguez na may 18 puntos at 5  rebounds. Si Rodrigiez ay dating PBA draftee ng Rain or Shine. Nag-tala naman si Arvie Bringas ng 16 puntos, 10 boards, 2 assists, at 2 steals, habang tumipa si Joemari Lacastesantos ng 13 puntos at kumalawit ng 4 re-bounds.

Sisimulan ng MJAS-Talisay ang kampanya sa second round sa pakikipagtipan sa Tubigon Bohol sa Huwebes, alas-3 ng hapon, habang makakasa-gupa ng Tabogon ang ARQ-Lapu Lapu sa alas-6 ng gabi.

Iskor:

Talisay (85) – Cabahug 13, Mojica 13, Gimpayan 9, Eguilos 8, Moralde 7, Dela Cerna 6, Villafranca 4, Hubalde 4, Albina 3, Alvarez 3, Santos 2, Menina 2, Ugsang 2, Cuyos 0.

Tabogon (65) – Rodriguez 18, Bringas 16, Lacastesantos 13, Delos Reyes 5, Orquina 3, Vitug 3, De Ocampo 3, Sombero 2, Bersabal 2, Diaz 0, Ca-ballero 0.

QS: 23-13, 39-34, 67-44, 85-

Related posts:

VISMIN CUP: TALISAY AYAW PAAWAT ‘PERFECT 10’ (Talisay sa VisMin Cup Finals) GAME 1: TALISAY VS MANDAUE P1-M PREMYO SA KAMPEN SA VISMIN CUP SOUTHERN FINALS VISMIN CUP: ILIGAN NAKAUNGOS SA PAGADIAN VISMIN CUP: BASILAN, ZAMBOANGA NANALASA VISMIN CUP: BASILAN 3-0; KAPATAGAN NAKAIWAS SA LUBAK MISOR, ROXAS NANGIBABAW SA VISMIN CUP