UMAPELA sa mga botante ang isang opisyal ng maimpluwensi yang Catholic Bishops’ Conference of the Philippines (CBCP) na huwag iboto ang mga kandidato sa May 13 elections na bumibili ng kanilang boto.
Ayon kay San Pablo Bishop Buenaventura Famadico, Chairman ng CBCP-Episcopal Commission on Clergy, hindi dapat na ihalal ang mga kandidatong nasasangkot sa vote buying upang maimpluwensyahan ang desisyon ng mga botante sa nakatakdang halalan.
Aniya, lalo na kung wala namang magandang track record ang mga kandidato sa pagseserbisyo sa publiko.
Iginiit ng obispo na walang magandang motibo ang pagbili ng boto ng sinuman lalo na’t maituturing na sagrado ang boto ng bawat isa.
“Huwag iboto yung bumibili ng boto o huwag iboto yung nag-iimpluwensya para siya lang ang iboto kahit alam na hindi naman maganda yung motibo saka wala namang magandang track record…” panawagan ni Famadico sa panayam ng church-run Radyo Veritas.
Nauna nang inihayag ng Legal Network for Truthful Elections (LENTE) na nagsisimula sa proseso pa lamang ng halalan ang katiwalian at korapsyon sa kaban ng bayan dahil babawiin ng mga kandidato ang ginastos sa halalan kapag nahalal na opisyal ng gobyerno. ANA ROSARIO HERNANDEZ
Related posts:
(Paalala ng CBCP) PAGBASBAS SA PUNTOD LIBRE LANG
PAGBABAGO SA MGA GAWAING SIMBAHAN UNAWAIN–CBCP
DIVORCE BILL PINALAGAN NG CBCP
HILING NG CBCP: COVID TESTING SA LAHAT
NAG-UUWIANG OFWs ‘WAG PANDIRIHAN-CBCP
PAGBABALIK NG RELIGIOUS GATHERINGS IPINAUBAYA NA NG CBCP SA MGA EKSPERTO
‘NEW NORMAL’ GUIDELINES SA SIMBAHAN: BAWAL MUNA ANG ABAY SA KASAL
APELA NG CBCP NGAYONG MAY PANDEMYA: SUPORTAHAN ANG MGA PARI
Comments are closed.