SA pagpapalawig ng enhanced community quarantine (ECQ) sa National Capital Region (NCR) kabilang ang mga kalapit lungsod at probinsiya,sinimulan na kahapon ng lokal na pamahalaan ng Parañaque ang distribusyon ng ayuda na nanggaling sa gobyerno para sa mga apektadong pamilya.
“Ang lokal na pamahalaan ay nagparating ng sinserong pasasalamat sa nasyonal na gobyerno sa tamang pagkakataon ng pamamahagi ng ayuda sa aming konstituwente. Ito ay nakatulong sa aming pinagsama-samang pagsisikap upang maibigay sa kanila ang serbisyo publiko ngayong panahon ng pandemya,” ani Mayor Edwin L. Olivarez matapos ang pagsasagawa ng unang cash payout sa Barangay Vitalez kung saan mayroong 1,800 benepisyaryo ang napagkalooban.
Nabatid na umabot sa kabuuang P604-milyon na ipinagkaloob ng gobyerno bilang ayuda sa mga residente ng lungsod.
Base sa guidelines na inisyu ng Department of Interior and Local Government (DILG), Department of National Defense (DND) at Department of Social Welfare and Development (DSWD), ang mga kuwalipikadong benepisyaryo ay ang mga napapabilang sa may low-income na pamilya at vulnerable sector na makatatanggap ng P1,000 bawat indibidwal na hindi lalampas sa P4,000 kada pamilya.
Ginamit ng lokal na pamahalaan ang dati nilang database na galing sa DSWD Social Amelioration Program (SAP) 1, 2, pati na rin ang mga waitlisted, Pantawid Pamilyang Pilipino Program (4Ps), at TODA/PODA bago mapabilang sa listahan ng benepisyaryo sa bawat barangay ang 155,000 households sa buong lungsod.
Inihanda na ng lokal na pamahalaan ang lahat ng requirements at issuances na makatutulong sa kanilang local staff gayundin sa mga benepisyaryo ng ayuda.
Noong Abril ng nakaraang taon, ang lungsod ng Parañaque ay isa sa pilot LGUs para sa distribusyon ng emergency subsidies sa ilalim ng Special Amelioration Program (SAP) ng gobyerno pati na rin ang cash aid run sa taong kasalukuyan.
Inihayag din ng lokal na pamahalaan na ang iskedyul sa distribusyon ng ayuda sa mga natitirang barangay ay ipagpapatuloy sa mga darating na araw. MARIVIC FERNANDEZ
871616 659295The vacation unique deals offered are believed as a selection of possibly the most preferred and therefore within your budget all more than the globe. Quite several hostels can be proudly located inside property which is accented who has striking seashores encouraging crystal-clear rivers, contingency of an Ocean. hotels compare rates 835380
181747 158768Woh Everyone loves you , bookmarked ! My partner and i take problem within your last point. 462343
605527 361206Its fantastic as your other blog posts : D, thanks for posting . 588181