CARLA ABELLANA HANDA NANG MAG-ASAWA

NALALAPIT na rin namang simulan ni Carla Abellana ang bago niyang teleseryeng gagawin sa GMA-7 and this time, si Rhian Ramos naman ang kanyang makakasama.

May nagsasabing baka ang teleseryeng ito na gagawin ni Carla ay huling teleserye na niya bilang isang dalaga dahil nalalapit na ang pagpapa-kasal daw nila ng boypren na si Tom Rodriguez.

Sa isang panayam ay hindi naman pinasubalian ni Carla ang isyung pagpapakasal nila ng boypren at kahit na raw planado na ang bagay na ito sa kanilang dalawa ay wala pa naman daw proposal na natatanggap si Carla mula kay Tom.

Ani pa ng actress, kay Tom na diumano nakasalalay kung kailan niya balak na magpaha­yag ng kagustuhang magpakasal kay Carla. At nang si Tom naman ang tinanong kung kailan niya binabalak na mag-propose kay Carla, knowing naman ng lahat na si Carla na ang babaeng pinapangarap niyang makasama sa pang-habang buhay.

Sabi naman ng actor, sa tamang panahon pero hindi naman niya sinabi kung nalalapit na ba ito o hindi pa. Dagdag na say pa nga ni Tom, pressure na rin daw kasi sila ng gf sa isyung kasalan lalo pa nga’t karamihan sa mga kapanabayan nila sa showbiz ay may mga pamilya na.

YASMIEN KURDI SASABAK SA AKSIYON

HAPPY si Yasmien Kurdi sa bago niyang teleseryeng nakatakdang gawin sa GMA-7, ang “Beautiful Justices” kasama sina Gabbi Garcia, Bea Binene at Derrick Monasterio.

Bukod kasi sa first time niyang makakasama sa isang soap sina Gabbi at Bea na excited naman si Yasmien na makilala ng husto ang dalawa ay kakaiba naman ang gagawin ngayon ni Yasmien, sasabak na siya sa isang aksiyon genre na te­leserye.

Ani ng actress, isa raw sa minimithi niyang role ay gumanap bilang sundalo. At sa bago niyang teleserye, hahawak siya ng baril at magka-karoon ng action scene, kung kaya kinakailangan niyang mag-undergo ng intensive training. Dagdag na say pa ni Yasmien, para sa kanya ay walang maliit na role o kaya bida o kontrabida role, tanggap daw ni Yasmien anupaman ang ibibigay sa kanya na role at gagawin naman ni Yasmien ang kanyang best para mabigyan niya ng beautiful justice ang kanyang character.

As in laban lang daw siya ng laban, kakayanin niya ano man ang pagsubok na ibibigay sa kanya.