TINIYAK ni Department of Education Secretary Leonor Briones na walang face-to-face classes sa pasukan ngayong taon upang maiwasan ang pagkalat ng coronavirus disease (COVID-19).
Sa ginanap na pulong ni Pangulong Rodrigo Duterte at Inter-Agency Task Force ay sinabi ni Briones na patuloy ang pag-aaral ng mga estudyante gamit ang blended learning. Marami aniyang mga approach na gagawin katulad ng online education.
Para naman sa mga walang access sa internet ay maaring magamit ang classic o longtime approach katulad ng paggamit ng radyo o telebisyon kung saan maraming mapapanood na educational program.
Binigyang diin ni Briones na marami nang unibersidad ang gumagamit ng distant learning at hindi na aniya ito bago.
Sinuportahan naman ni Duterte ang panukalang blended learning ni Briones at sinabi nito na kung may kailangan ang kagawaran ay nakahanda siyang ipagkaloob ito.
Kamakalawa ay inihayag ng Malakanyang na tuloy ang enrollment sa mga pampublikong paaralan sa Hunyo 1.
Itinakda naman ang pagsisimula ng klase sa Agosto 24. PILIPINO MIRROR Reportorial Team
Related posts:
PAGKAIN AT BASIC NEEDS IBIBIGAY NG GOBYERNO
TSANSA NA MAILIPAT ANG BIRD FLU SA TAO, MALIIT LANG-DA
STATE OF CALAMITY IDINEKLARA SA BUONG BANSA
DOH DIRECTOR MAY COVID
KASO NG COVID-19 202 NA, DEATH TOLL: 17 AT 7 ANG GUMALING
BONG GO NAGPASALAMAT SA BIR, DOF
DUQUE, NA-EXPOSE SA COVID 19, NAG-HOME QUARANTINE
OPERATION NG POGO TIGIL MUNA DAHIL SA COVID-19
Comments are closed.