WALANG POLITIKA SA HIRIT KAY LENI (Covid Vaccine Express need namin sa Mindanao – solon)

WALANG nakikitang masama si Cagayan de Oro Rep. Rufus Rodriguez kung humingi man ng assistance ang  local governmemt units (LGUs) sa Visayas at Mindanao  kay Vice President Leni Robredo para mapalawig sa rehiyon ang kanyang programang COVID Vaccine Express.

Sa panayam ng RMN network kay Rodriguez, ipinaliwanag nito na kapakanan ng mga residente ang prayoridad at hindi dapat pairalin ang politika.

Aminado si Rodriguez na maganda ang Express o Drive Thru Vaccine Initiative ni Robredo kaya nagpasaklolo na ito sa Office of the Vice President para mapabilis ang pagpapabakuna sa mga probinsiya,aniya, kung sa Maynila ay nasa 600,000 na ang nabakunahan, sa Cagayan de Oro ay nasa 70,000 pa lamang habang mas mababa pa sa ilang probinsya.

“Walang politika dito because cases in Cagayan de Oro is still very high, Davao City is still very high same with Zamboaga,Butuan City in Mindanao,  Iloilo and Bacolod City in Visayas and Albay in Bicol,” paliwanag ni Rodriguez.

“I asked VP Leni pero walang politika dito,” giit pa ni Rodriguez.

Aniya, obligasyon ng mga LGU na makakuha ng bakuna para sa kanilang mga constituents at nakita nya ang pagkakataon na ito sa programa ni Robredo.

Taliwas naman ang pananaw ni Rodriguez sa nauna nang naging pahayag ni Davao City Mayor Sarah Duterte. Matatandaan na kamakailan ay minasama ni Mayor Duterte ang suhestiyon ni Robredo na gayahin ng Davao City ang Covid approach ng Cebu City.

Ani Robredo, mas malaki ang populasyon ng Quezon City subalit nangunguna ang Davao City sa mga LGU na may mataas na naitatalang  kaso ng COVID kada araw.

“The Vice President should refrain from giving advice if she knows nothing about what is happening on the ground,” nauna nang pahayag ni Mayor Duterte kung saan tinuran pa nito na kulang sa pang-unawa at kaalaman si Robredo at walang maitutulong para maresolba ang problema.

Related posts:

PUBLIKO PINAG-IINGAT SA PAGBILI NG ‘DI AWTORISADO COVID VACCINE 157,256 KATAO SA CALABARZON NABIGYAN NG UNANG DOSE NG COVID VACCINE COVID VACCINE NA IBINEBENTA ONLINE IBINABALANG SCAM (Dadalhin sa Visayas at Mindanao kabilang ang Davao) COVID VACCINE EXPRESS PROGRAM NI VP ROBREDO (Hirit ng Amesty International) MAHIHIRAP BIGYAN NG 2-B DOSES NG COVID VACCINE KONGKRETONG PLANO SA CLINICAL TRIALS NG COVID VACCINE DUTERTE PINAG-IINGAT SA PAGPAPABAKUNA NG ANTI-COVID VACCINE 30% NG PUBLIKO NAGDUDUDA SA COVID VACCINE