ARESTADO ang 30-anyos na drayber na wanted sa kasong “theft“ makaraang kumuha ito ng police clearance na gagamitin sa trabaho sa Pasig City.
Kinilala ni Pasig City chief of Police Col. Roman Arugay ang naaresto na si Jover Peñaflor y Boco @Jov , nakatira sa No.36, Concepcion St, Brgy. Santolan, Pasig City.
Ayon kay Lt. Julio Valle Jr, ng sub-station 2 Commander, dakong alas-3:40 kamakalawa ng hapon, under process ang kinukuhang Police Clearance ng suspek nang lumabas ang impormasyon na may kaso ito sa korte.
Dahil dito, agad na beneripika sa duty warrant officer na si SSgt. Lasquite ang status ng suspek at dito natuklasan na may standing warrant ito sa kasong “theft“ sa Regional Trial Court Branch 273 na may cc#2016-17099-MK sa lungsod ng Marikina.
Nakapiit na ngayon ang suspek sa detention cell ng pulisya. ELMA MORALES