ARESTADO ang 25 anyos na delivery rider makaraang mabuking na wanted ito sa kasong theft sa loob ng anim na taon nang kumuha ng police clearance sa lungsod ng Pasig.
Ayon sa ulat ni Col. Roman Arugay, hepe ng pulisya kay EPD-director BGen. Orlando Yebra Jr, kinilala ang nadakip na si Joshua Matabang y Perante na nakatira sa No. 41 Afable St., Brgy. Sagad ng nasabing lungsod.
Nabatid na dakong alas-3 kamakalawa ng hapon nang matuklasan ng mga operatiba na wanted ang suspek matapos na maberepika ito habang kumukuha ng police clearance sa Pasig PNP sa C. Raymundo Avenue, Pasig City.
Dahil dito, dinakip ang suspek gamit ang warrant of arrest na isyu ni Hon. Nicanor A. Manalo Jr. Assisting Judge ng Regional Trial Court Branch-158 na may petsang Agosto 16, 2016 sa kasong theft section 5 (a) ng RA8369. ELMA MORALES