NUEVA ECIJA – ARESTADO ang tatlo katao kabilang ang wanted person na kapwa sangkot sa ilegal na droga sa siyudad nang San Jose.
Sa report na ipinadala ni P/Cpl. Alfredo Espiritu, kay P/LCol. Heryl Bruno, kinilala ang mga nadakip na sina Warren dela Fuente, 40-anyos, ng Zone-4, Brgy. Caanawan; at Melanie Altamera, 46-anyos, ng Brgy. Don Canuto Ramos.
Nadakip ang dalawa sa buy bust operation sa pamilihan ng San Jose ganap na alas-7:50 ng gabi kung saan nakuha sa kanila ang 2 sachet ng hinihinalang shabu.
Habang nadakip naman si Rey Padilla, 44-anyos, magsasaka, residente ng Sitio Labac Brgy. Tayabo.
Inaresto ang suspek sa bisa ng warrant na ipinalabas ni Branch 38 presiding judge Loreto Alog Jr., ng San Jose City Regional Trail Court. THONY ARCENAL
Comments are closed.