CAMP AGUINALDO– KASALUKUYANG naka-self quarantine si Armed Forces of the Philippines (AFP) chief of staff Gen. Felimon T. Santos kasunod ng kumpirmasyon na isang senior officer at misis nito ang nagpositibo sa COVID-19 at nagkaroon ng pagkakataon na nakasalamuha niya ito sa isnag pulong.
Ayon kay Santos, naka- confine sa V. Luna Medical Center ang senior military official.
Nang kapanayamin ito ng Defense Press Corps para tanungin kung kumusta ito o may nararamdaman ba siya sa kanyang kalusugan, pabiro lamang itong nagsabing “Pag-ibig lamang ang nararamdaman ko”
Sa ngayon, ipinatutupad na ang lockdown sa buong AFP General Headquarters sa Kampo Aguinaldo Quezon City.
Tanging skelatal forces ang pinapayagang makapasok habang ang mga sibilyan na empleyado ay inatasan na “work from home” muna ng AFP-J1.
Ayon kay AFP Spokesman. BGen. Edgard Arevalo, lahat ng kaukulang protocols ay kanilang isinagawa gaya ng disinfection.
Pahayag pa ng AFP, inplaced na rin ang kanilang inilatag na precautionary measure sa loob ng kampo upang hindi na kumalat pa ang virus habang pinayuhan na rin ang mga indibuwal na nakasalamuhang ng nasabing senior officer na mag-self quarantine.
Mahigpit na pinaiiral sa loob ng kampo ang social distancing at maging ang rotation ng mga duty personnel. VERLIN RUIZ
Related posts:
ARMY CHIEF GEN. GAPAY SUSUNOD NA AFP CHIEF OF STAFF
(Reinforcement ng PNP at AFP) BARANGAY POWER KONTRA COVID-19
VINLUAN BAGONG AFP WESTMINCOM COMMANDER
MANDATORY SWAB TEST, QUARANTINE SA NAVOTAS
(Naitala sa panahon ng quarantine) CRIME RATE BUMAGSAK NG 55%
QUARANTINE RULES ‘DI LULUWAGAN – MM MAYORS
AFP NAKUHA ANG HIGHEST APPROVAL RATINGS
AFP AT PNP WALANG NILABAG SA FB PROTOCOLS
Comments are closed.