WORLD SLASHER CUP: ANG TANGING ‘OLYMPICS OF SABONG’ SA BUONG MUNDO

rey briones

ANG sabong ay kilala ­bilang ­national ­pastime ng mga ­Pilipino. Mapapro­binsiya o dito sa Maynila, hindi kaila na marami pa ring mga sa­bungan na ­dinarayo ng mga sabungero para makapanood ng ­mati­tinding ­sagupaan ng mga manok.

Para sa ­maraming sabungero, ang pinaka­prestihiyosong titulo ng sabong pa rin na pangarap makamit ng marami ay ang ­maging champion sa World Slasher Cup na ­idinaraos dalawang beses taon-taon sa makasaysayang ­venue na Smart ­Araneta ­Coliseum sa Araneta Center, Quezon City. Dito nagsasagupaan ang pinakabigating breeds ng manok, at alam ng mga mana­nabong na rito masusubukan talaga ang mga panama nilang gamefowl.

Nagsimulang magkaroon ng ­sabong sa Araneta ­Coliseum noong 1963. ­Madalas ay ­national ­derbies lang noon ang ­nagaganap sa ­Coliseum ­hanggang noong ‘80s, kung kailan ­nagsimulang maging taon-taon ang sabong at ­naging ­international ­derby na rin ito na ­nilalahukan ng mga ­sabong ­aficionado mula sa iba’t ibang estado sa Amerika, at ibang ­bansa sa ­Europa at Asya. Dito na ito ­nakilala bilang World Slasher Cup, na ­hino-host ng Pintakasi of Champions.

Lalong uminit ang pangalan nito sa mga sabungero sa buong mundo, at ­nabansagan itong ‘Olympics of ­Sabong’ kung saan ang ­pinakamagagaling na manok lamang ang ­isinasali ng mga ­breeder. Hindi na ­lamang siya Filipino pastime; itong larong ito na minana pa natin sa mga ninuno natin bago pa dumating dito ang mga ­Espanyol ay naging tunay na ­‘gentleman’s sport’ kung saan ang mga ­sumasali at ­nanonood ay ­sumusunod sa code of honor, at ­laging ­patas at malinis ang ­labanan – ­maging maliit na sabungero ka man, o mayamang ­may-ari ng farms.

Katunayan, ayon kay 2017 World ­Slasher Cup solo ­champion ­Patrick Antonio, “Maririnig ninyo ang mga ­usapan ng mga sabungero sa WSC: ‘Mas may ­laban tayo kung sa ­Araneta tayo ­pupunta!’” ­Ika-­pitong ­championship na ito ni Antonio, kaya ­naman maraming ­tumatanaw sa kanya na sabong idol. Patuloy pa niya na ­maraming ­sabungero ang pabor sa WSC dahil sa ­maayos na pamamalakad at ­pantay-pantay na trato sa mga participant. “’Yan ang isa sa mga ­dahilan na patuloy pa rin akong ­sumasali sa World Slasher Cup,” aniya.

Para sa ­maraming sabungero, ang ­pagkakaroon ng ­malaking derby gaya ng WSC ay ­malaking suporta sa mga ­tulad nila. ­Bukod sa ­mahilig sumali sa ­sabong, marami ring industriya itong natu­tulungan gaya ng feeds at supplements dahil ­nananatiling ­malaking supporters ng ­sabong ang mga ­tulad ng ­Thunderbird, at ­Excellence Poultry and Livestock ­Specialists; mga breeding farm dito at sa ibang ­bansa; at mga cockpit sa iba’t ibang ­lugar sa Pilipinas. Bukod dito, ­namumukadkad pa rin ang tradisyon ng mga kristo, ang tawag sa mga tagapusta sa ­sabong, na umaasa rin sa mga laban para sa kanilang kita.

Nagkalat na rin ang iba’t ibang ­sabong TV shows, na ­namamayagpag ­dahil din buhay na buhay pa ang interes ng tao rito. ­Kabilang dito ang ­“Bakbakan Na TV,” ­“Tukaan,” ­“Sagupaan,” at iba pa. May mga ­magazine din at ­specialized ­publication na ­nakatuon lamang sa sabong. Kapalit ­naman nito, nakatutulong ang mga programa at mga babasahing ­ganito sa pagpapanatiling ­laganap ang sabong.

“Ang tradisyon ng sabong ay nasa dugo ­nating mga ­Pilipino,” ­pahayag ni Dong ­Lamoste, ang pinuno ng Derby ­Office at ­beteranong ­namamahala sa WSC. “Para sa ­mahihilig dito, isang karangalan para sa mga fighting fowl na ­lumaban hanggang sa huli. Para ring tao ‘yan, ­kagitingan ang ­paglaban ng mga manok sa ­ruweda at tanghaling itong ­kampeon.”

Ang World ­Slasher Cup ay ginaganap ­tuwing dulo ng Enero o simula ng Pebrero, at ­tuwing Mayo, sa ­Araneta ­Coliseum. Naging ugali na ng maraming ­sabungero na dayuhin ang ­laban at pagkatapos ng ­season, na bumili ng mga DVD boxed set ng WSC para ­mapanood ito ng mga kababayan sa ibang ­bansa. Sa loob ng ­Coliseum, ­halo-halong Pilipino at mga ­dayuhan ang ­nakatutok sa bawat laban, na minsan ay umaabot ng ­higit-­kumulang 120 fights sa isang araw, na minsan ay ­nagsisimula sa ­alas-11 ng ­umaga hanggang alas-2  kinabukasan.

Marami sa mga ­nakaraang kampeon ng WSC ang paulit-ulit ding sumasali, gaya ng mga prominenteng sina Ed Aparri at Art de Castro, Frank Berin at ­marami pang iba. Sa mga ­foreigner ­naman, ­madalas makikita sa WSC ang mga ­batikang breeder gaya nina Ray Alexander ng ­Alabama, Lonnie Harper ng ­Mississippi, at Mike ­Formosa ng California.

Muling ­nagsalpukan ang mga fighting breed sa WSC 2 noong Mayo 6 ­hanggang Mayo 12 sa Smart ­Araneta ­Coliseum. Itinanghal na kampeon si Rey Briones ng Greengold Uno.

3 thoughts on “WORLD SLASHER CUP: ANG TANGING ‘OLYMPICS OF SABONG’ SA BUONG MUNDO”

  1. I think other site proprietors should take this web site as an model – very clean and wonderful style and design, in addition to the content. You’re an expert in this area!

Comments are closed.