SASAGUPA na ngayong araw, Hunyo 1, ang ilang kalahok para sa 4-cock pre-finals ng 2019 World Slasher Cup 2 9-Cock Invitational Derby sa makasaysayang Smart Araneta Coliseum.
Kabilang sa mga magbabakbakan sa 4-cock pre-finals ang mga entry na nakakuha ng 2, 2.5, at 3.5 points mula sa eliminations hanggang semifinals.
Samantala, ang mga kalahok na nakapagtala ng 4, 4.5 and 5 points ay magsasagupa naman sa Linggo, Hunyo 2, para sa 4 -cock grand finals.
“It’s still anybody’s race at this point and a participant can wrest the championship with four more victories,” pahayag ni Pitgames Media Inc. CEO Manny Berbano.
Tinaguriang ‘Olympics of Cockfighting’, ang WSC ay suportado ng Thunderbird, Emperador, PitGames Media Inc., TV5’s ‘All New Tukaan’, ABS-CBN Action + Sports, ‘Sagupaan’, ‘Sabong Nation’, ‘Sabong Pilipinas’, ‘Bakbakan Na TV’, The Sabong Chronicles, .Journal Group, PILIPINO Mirror, Saksi Ngayon at Diaryo Bomba.
Kabilang sa grand finalists ang dating kampeon at hari ng ruweda na sina seven-time WSC champ Patrick Antonio, four-time WSC champ Rey Briones, three-time WSC king Frank Berin at two-time WSC champ Honey Yu.
Ang Green Gold Uno entry ni Briones at ng kanyang partner na si Rod Advincula ang solo champion ng 2018 WSC 2.
Pasok din sa grand finals sina 2019 WPC 220 K Big Event champion Rey Canedo ng Team Excellence, Reynaldo Villanueva ng Laguna, at ang first timer na si Henry Tubban ng Ilocos na pawang may limang panalo.
Kabilang din sa grand finalists na kapwa may apat na panalo sina Doc Ayong Lorenzo/Manny Berbano, Nene Araneta, Felix at RC Gatchalian, Jervy Maglunob, Emil Tiu, Anthony Lim, Louie Tulang, Randy Rabadon, Eslabon at Escolin Brothers, Caloy Datu/Lawrence Villanueva, Nerio Frani, Ricky Magtuto/JMW group, Antonio Aleria/Boy de Roca, Nene Araneta, Dr. Bel Almojera ng Florida, USA at Soan Sogianto/HJ Sabri ng Indonesia. DADI TSIKEN
Comments are closed.