HINDI gaanong nakatulong ang wushu sa medal campaign ng Filipinas sa 2017 Southeast Asian Games dahil binawasan ng host Malaysia ang events para malimitahan ang mga kalaban at madali nilang makuha ang overall championship.
Dahil ang 30th edition ng biennial meet ay gagawin sa bansa, kumpiyansa si wushu secretary general Julian Camacho na marami silang makukuhang medalya. Aniya, lahat ng events ay lalaruin ‘di tulad sa Malaysia.
“May kasabihan nga weather, weather lang. Sa atin gagawin ang SEA Games, tayo naman ang masusunod. Lahat ng events sa wushu ay kasama. Hindi sila puwedeng magreklamo dahil tayo ang masusunod bilang host country,” sabi ni Camacho.
Hindi naman sinabi ni Camacho kung ilang medalya ang kukunin ng mga Pinoy sa wushu.
“Kung ako ang masusunod gusto ko kunin lahat para lahat tayo masaya,” pabirong pahayag ni Camacho.
Dahil ang wushu ay nagmula sa China, sinabi ni Camacho na malakas ang Vietnam, Singapore at Malaysia.
“Honestly speaking, all of them are strong. Countries with Chinese influence are basically strong but not invulnerable. Our athletes are strong and capable of beating them,” dagdag pa ni Camacho.
Ang wushu ay kasama sa priority sports ng Philippine Sports Commission (PSC) na pinumumunuan ni Chairman William Ramirez. CLYDE MARIANO
Related posts:
10 WUSHU PLAYERS TODO PAGSASANAY PARA SA SEAG
HABOL, PINOY! (Wushu star pinangunahan ang 4-gold haul ng PH)
WUSHU TUTUKLAS NG MGA BAGONG ATLETA
PINAS MAHIHIRAPAN NA MAGING NO.1 SA SEAG
(Butch sa SEAG-bound PH athletes) “GALINGAN N’YO!”
PINOY JINS PUSPUSAN ANG PAGHAHANDA SA SEAG
(Para sa SEAG preps, calamity-hit Bicol Region rehab) LE TOUR INIURONG SA HUNYO
6-8 GOLDS TARGET NG PH JINS SA SEAG
Comments are closed.