NILINAW ng aktor na si Xian Lim na hindi siya banned sa Kapamilya network.
Ito’y makaraang mabigyan ng kulay ang pagliban niya sa ilang promo activities ng ‘Miss Granny’, kasama sina James Reid at Sarah Geronimo sa ilang Kapamilya shows.
“Wala naman po siguro kasi I have couple of promotions. Nag-promote naman ako sa ‘ASAP.’ Just last night (Agosto 16) we were at ‘Tonight With Boy Abunda,’” paliwanag ng aktor.
Ani Xian, hindi niya alam kung paano at saan nagsimula ang isyu na ito sa kanya at sa network.
“People are just tagging me, pero I wouldn’t know the real issue or basis,” aniya.
Si Xian ay isa na ngayon sa contract stars ng Viva Artist Agency matapos ang ilang taon niya sa Star Magic, ang management arm ng ABS-CBN.
Samantala, ibinida ng aktor na maganda pa rin ang samahan nila ng aktres na si Kim Chiu.
Kuwento ni Xian, wala pa ring nagbabago sa kanila ng Kapamilya star kahit na hindi sila magkasama sa mga proyekto.
“Sa amin kasi, sa aming dalawa, open kami. We really do see each other,” sabi pa ni Lim.
“Ngayon lang, ang dami din kasi niyang ginagawa and may mga ginagawa din ako pero hindi nagtatagpo ang schedules,” paliwanag ng aktor.
Comments are closed.