YASMIEN KURDI NA-STARSTRUCK AT KINILIG NANG MAKASAMA SI LEA SALONGA

SOBRANG  kasiyahan ang nadama ni Yasmien Kurdi nang makasama niya ang matagal ng iniidolong singer/actress.

Kilig-to-death ang nadama ni Yasmien nang ma-meet niya ng personal si Lea Salonga at magkaroon pa sila ng photo na magkasama. Pareho kasing naging guest sina Yasmien at Lea sa concert ni Maestro Ryan Cayabyab kung saan pareho sila kumanta.

Ipinost  ni  Yasmien sa kanyang Instagram ang photo nila ni Lea at ayon sa caption ay na-starstuck, nanginig at naiyak siya  nu`ng  makita si Lea.

Mabaliw-baliw sa kasiyahan  si Yasmien nang makilala  niya nang personal at  makasama  pa sa larawan.

Kuwento ni Yasmien, avid fan siya ni Lea at may pagkakataon pa na sinundan niya si Lea sa isang mall habang namimili.

Well, ganyan magmahal at ma­ging fan ni Yasmien, hindi inisip na isa rin siyang actress na hinahangaan.

GRETCHEN BARRETTO NAGPASARING SA MGA MAGNANAKAW, SINUNGALING AT MANG-AAGAW

SA latest Instagram story ni Gretchen Barretto ay nagpasaring  ito ng super tapang at bonggang-bongga. Pero hindi lang malinaw kung para kanino  `yon.

May kinalaman kasi sa mga magnanakaw, mang-aagaw at sinungaling ang kanyang mga patutsada.

“Beware  of  skilled  stealers, liars  and  twisters,” say ni Gretchen.

Nakasaad  sa mensahe, “Remember, they cheated  because they wanted to, they  lied  because they could, and now  they`re  sorry because they got caught. It`s always  about  them. You did nothing to cause  or  deserve it.”

Ang tanong ay kung para kanino ba talaga ang mensaheng ito ni La Greta?

Para pa rin kaya sa mag-inang Marjorie at Julia Barretto?

JULIA BARRETTO LALAYAS NA SA PODER NG INA

NAKAHANDA  nang  layasan ni Julia Barretto ang tahanan ng kanyang magulang at kapatid. Tapos na tapos na kasi ang ipinagawa niyang bagong  bahay.

Ibinahagi  nga ng kanyang mommy Marjorie Barretto sa Instagram story na masayang-masaya  nag-iimpake  ng kanyang  mga  gamit si Julia para sa gagawin pag­lipat sa bagong tahanan.

“She`s  happily  getting settled in her home and I`m starting to feel (sad teary eyes emoji).”

Kalungkutan  ang naramdaman ni Marjorie dahil hindi na niya makakasama sa isang bubong ang kanyang anak, pero masaya  na  rin siya  para kay Julia dahil naka-pagpatayo ng sariling bahay sa sariling sikap.

Anyway, hindi rin naman masyadong malalayo  si Julia sa kanyang pamilya  dahil  magkalapit din naman ang kanilang bahay  na  mag-ina kaya  hindi rin masyadong mag-alala si Marjorie sa magi­ging kalagayan ng anak.

At sana ay muling bumango ang showbiz career ni Julia dahil sa­yang  ang mga pagsisikap nito matapos ang mga pinagdaanan problema sa buhay.