YASMIEN KURDI WALANG PAKI KUNG MAHIRAP ANG ROLE

PARA kay Yasmien Kurdi, walang mahirap na role, malaking challenge kasi sa kanyang kakayanan ang masabak sa mga role na nanga­ngailangan ng matin­ding effort. Nga­yon ay kakaiba na naman ang kanyang gagawin sa bago niyang teleserye na “Beautiful Justice” kasama sina Gabbi Garcia at Bea Binene na mapanonood sa GMA-7.

Punong-puno ng aksyon ang naturang te­leserye na kahit abalang-abala sa pagiging isang ina at asawa ay nag-undergo pa si Yasmien ng iba’t ibang klaseng fitness exercises, gun training at target shooting. Girl empowerment ang peg ang kanyang bagong show. At say ni Yasmien, isa sa masasabi niyang naipaglaban niya ang kanyang sarili ay nang tapusin niya ang kanyang pag-aaral kahit pa sa kabila ng sobrang hectic ng schedule sa kanyang pamilya at showbiz career.

Naka-graduate si Yasmien sa kursong kinuha with honor pa. Halos marami daw noon sa mga kakilala niya ang naniniwala na hindi siya maka-kapagtapos ng pag-aaral siya dahilan na rin sa personal na atensyon na binibigay sa anak at mister, tapos may taping pa ng teleserye niya.

BEA BINENE BALIK-TRAINING SA MARTIAL ARTS DAHIL SA ACTION SERYE

KAPANABAYAN ni Barbie Forteza si Bea Binene sa showbiz at halos pareho na rin sila nagmatured sa kanya-kanyang role. Si Barbie ay hinamon ang kakayahan sa “Kara Mia” at ngayon naman si Bea sa “Beautiful Justice” kasama sina Gabbi Garcia at Yasmien Kurdi.

Sa naturang serye ay sasabak na si Bea sa mga action scene na siya naman talagang gustong-gustong gawin ni Bea na role. At para mas maging makatotohanan siya sa kanyang mga maaaksyon na eksena ay nag-todo training talaga si Bea sa martial arts at target shooting. At dahilan na rin sa may temang sexy revenge ang teleserye nila, sasabak din kaya si Bea sa mga sexy scenes?

Ani ng young actress, wala naman daw talagang masasabing sexy scenes siyang gagawin sa “Beautiful Justice”. Kung sakali man dumating ang isang offer na nangangailangan na maging daring and sexy siya sa mga eksena, go kaya ang byuti ni Bea.

Say ng young actress kumporme daw sa klase ng proyekto at lagi niya raw kasama ang kanyang ina sa shooting kung kaya pag aprub daw sa  ma­deraka niya ang pagpapa-sexy ay laban daw si Bea.