SA hangaring suportahan ang mga kabataang lider ng bansa, personal na dumalo si Senador Christopher “Bong” Go sa 2023 Sangguniang Kabataan (SK) Congress – Davao Occidental Chapter sa Ritz Hotel sa Davao City noong Huwebes, Mayo 4.
Sa kanyang talumpati, sinamantala ng senador ang pagkakataon na bigyang-diin ang kahalagahan ng pagbibigay kapangyarihan sa kabataan sa paghubog ng kinabukasan ng bansa at binigyang-diin ang kritikal na papel na ginagampanan ng SK sa pagtulay sa pagitan ng gobyerno at kabataan.
“Malay ninyo pagdating ng panahon, kayo ang magiging congressman, senador nitong ating bansa. Ito ang sikreto diyan na aking isi-share sa inyo — gawin ninyo kung ano ang tama, mahal ninyo ang kapwa n’yo, at unahin ninyo ang interes ng kapwa ninyo Pilipino — hinding-hindi talaga kayo magkakamali niyan,” ani Go.
“Yung pagmamalasakit n’yo sa kapwa, dito talaga manggagaling ‘yan sa inyong puso. Mahalin n’yo talaga ang inyong trabaho at ang pagseserbisyo,” patuloy nito.
Bukod pa rito, kinilala ni Go ang lahat ng SK leaders sa kanilang dedikasyon sa serbisyo publiko at hinikayat silang magpatuloy sa aktibong papel sa pagbuo ng bansa. Binigyang-diin niya na ang mga kabataan ay hindi lamang ang kinabukasan kundi maging ang kasalukuyan, na hinihimok silang gamitin ang kanilang boses at pamumuno para magkaroon ng makabuluhang kontribusyon sa lipunan.
Upang isulong ang kapakanan ng mga lider ng kabataan, ang senador ay kasamang gumawa ng Republic Act No. 11768, na nagreporma sa Sangguniang Kabataan at nagbibigay ng buwanang honoraria at iba pang benepisyo para sa mga pinuno ng SK.
Sa ilalim ng Act, lahat ng miyembro ng SK ay babayaran ng honorarium bawat buwan na ibabawas sa pondo ng SK.
Ito ay karagdagan sa anumang iba pang kabayarang itinatadhana ng batas. Ang honorarium ay dapat ibigay sa pagtatapos ng bawat pagpupulong ng SK bawat buwan.
Samantala, 10% ng pangkalahatang pondo ng mga barangay ay dapat ilaan para sa kanilang SK. Ang pondo, na gagamitin para sa youth development and empowerment programs, ay dapat bayaran ng lump-sum ng Sangguniang Barangay.
Noong 2019, nilagdaan ni dating pangulong Rodrigo Duterte ang RA 11462, na nagtatakda sa susunod na barangay at SK elections mula sa ikalawang Lunes ng Mayo 2020 hanggang Disyembre 5, 2022, at pagkatapos ay sa unang Lunes ng Disyembre 2025 at bawat tatlong taon pagkatapos nito. Pinapalawig ng batas ang termino ng mga kasalukuyang opisyal ng barangay at SK mula dalawang taon hanggang apat na taon at kalahati. Si Go ay isa sa mga may-akda ng panukala.
Noong 2022, sinuportahan din ni Go ang pagpapaliban ng barangay at SK elections sa 2023.
“May nagsabi sa akin nung nag-speech ako (dati), sabi n’ya ‘Sir mabait ka, may mission ka pa sa mundo.
Makakatulong ka pa sa mahihirap.’ Patuloy akong tutulong sa mahihirap, hindi talaga ako hihinto sa pagtulong at hindi ako takot na mamatay.
“Kung sakali man pong namatay kami, isa pong karangalan ang mamatay na naglilingkod sa sarili niyang bayan.
Kung mamatay rin lang ako, gusto ko na magseserbisyo ako. Isang karangalan ang mamatay habang naglilingkod sa iyong kapwa tao. Sa totoo lang, mas mabuti pa na mamatay ka na nagseserbisyo. It’s an honor na mamatay ka na nagseserbisyo sa ating mga kababayan,” diin ni Go.
Sa pagtatapos ng kanyang mga pahayag, inulit ni Go ang kanyang dedikasyon sa pagtataguyod ng kapakanan at interes ng mga kabataang Pilipino, na hinihikayat silang maging mga katalista para sa positibong pagbabago sa kanilang mga komunidad at sa buong bansa.
“Mga kabataan, kayo ang kinabukasan nitong ating bayan. Magtulungan lang tayo. Pumasok kayo (bilang) SK (kaya) unahin n’yo talaga ang pagseserbisyo sa ating mga kababayan lalo na ‘yung mga mahihirap. Kayo ang example sa youth, kayo talaga ang tinitingala sa inyong barangay.
“Congratulations and I’m sure, isa rin sa inyo ay magiging kagawad rin at magiging kapitan sa inyong barangay. Someday, magiging konsehal kayo sa inyong munisipyo or even congressman sa inyong lugar. Basta unahin n’yo ang pagseserbisyo sa inyong mga kababayan,” pagtatapos ni Go.
Noong araw na iyon, dumalo rin si Go sa 49th Midyear Convention Surgery at Universal Health Care opening ceremony sa SMX Convention Center sa Davao City.