SUMIKWAT si Eliza Andriel ‘Iza’ Yulo ng tatlo pang gold medals para sa kabuuang lima sa 64th Palarong Pambansa secondary girls artistic gymnastics nitong Linggo sa Cebu Institute of Technology – University (CIT-U).
Dinomina ni Yulo ng National Capital Region (NCR) ang uneven bars, balance beam, at floor exercise events habang nagwagi rin ng silver medal sa vault kung saan nakalikom siya ng 11.650 points.
Ang nakababatang kapatid ni world champion at Olympian Carlos ay umiskor ng 9.850 points sa uneven bars, 12.050 sa balance beam, at 10.900 sa floor exercise na tabla kay fellow NCR gymnast Cielo Esliza.
Sina Yulo at Esliza ay kapwa nagwagi ng gold.
CLYDE MARIANO
