NASA bansa na si Olympic gold medalist at gymnast Carlos Yulo, kasama ang iba pang Filipino Olympians.
Dumating sila kagabi at sinalubong sila ng kanilang mga mahal sa buhay sa Villamor Air Base sa Pasay City.
Ang Philippine delegation ay dumating via chartered Philippine Airlines flight mula Dubai.
Bukod kay Yulo, kasama rin sa flight sina bronze medalists Aira Villegas at Nesthy Petecio, fellow boxers Carlo Paalam, Hergie Bacyadan, at Eumir Marcial, tracksters John Cabang Tolentino at Lauren Hoffman, weightlifters John Ceniza, Elreen Ando, at Vanessa Sarno, at pole vault star EJ Obiena.
Nauna nang dumating sa bansa sina fencer Sam Catantan, judoka Kiyomi Watanabe, rower Joanie Delgaco, at swimmers Kayla Sanchez at Jarod Hatch.
