BUKIDNON – MAKAREKOBER ng 10 malalakas na kalibre ng baril ang tropa ng militar nang makasagupa ang mga rebeldeng New People’s Army (NPA) sa liblib na bahagi ng hangganan ng Kitanglad-Kalatungan Complex, sa nasabing lalawigan.
Base sa ulat ni 403rd Infantry Battalion Commander ng Philippine Army Col. Ferdinand Barandon, naganap ang anim na sagupaan sa pagitan ng teroristang grupo at tropa ng 1st Special Forces Battalion sa kagubatang sakop ng bayan ng Talakag, Bukidnon.
Makaraang humupa ang bakbakan, narekober sa clearing operation ng militar ang AK-47 rifle, M203 rifle grenade, M-16, mga improvised firearms at ibat ibang gamit pandigma ng mga rebelde.
Wala namang nasugatan sa hanay ng militar.
Magugunita na binuhusan ng malaking puwersa ng AFP ang nasabing lugar dahil sa serye ng pananambang ng teroristang NPA kabilang ang pagsalakay sa isang amusement area na pagmamay-ari ng retiradong sundalo sa nabanggit na bayan. VERLIN RUIZ
Related posts:
EX-BODYGUARD NG POLITIKO NAKUHANAN NG MGA ARMAS
107 NPA IBINABA ANG ARMAS SAKA SUMUKO
3 NPA MEMBERS SUMUKO, ARMAS IBINABA
PAGAWAAN NG ARMAS SINALAKAY
KONSEHAL TIMBOG SA ARMAS
(Mga armas isinurender din) AYAW NANG MANGIDNAP, 5 SAYYAF SUMUKO
1,561 MALALAKAS NA ARMAS WINASAK
ARMAS AT KAGAMITAN NAKUMPISKA SA EX-SOLDIER
Comments are closed.