ILOILO – SAMPUNG kabataan ang nailigtas ng awtoridad sa isang hazing sa Barangay PD Monfort North, Dumangas.
Sa panayam kay Police Major Joven Arevalo, hepe ng Dumangas Municipal Police Station, sinabi nito na ang mga menor ay miyembro ng Uba Chinelas Dalagan Trops na isang gang.
Ayon kay Arevalo, mayroong nagpadala ng impormasyon sa kanila na may magaganap na hazing kung kaya’t pinuntahan nila ang lugar at nahuli sa akto ang pag-paddle sa mga miyembro.
Ang mga menor ay dinala sa Department of Social Welfare and Development at kaagad na ipinaalam sa kani-kanilang mga magulang ang nangyari. PILIPINO MIRROR REPORTORIAL TEAM
Comments are closed.