UMAABOT sa 1,500 undesirable mga dayuhan ang hindi pinayagang makapasok sa bansa ng mga tauhan ng Bureau of Immigration (BI) mula buwan ng Enero hanggang Abril 2018, mas mababa kumpara noong 2017 na umabot sa 1,700.
Ayon kay Bureau of Immigration (BI) Commissioner Jaime Morente, ito ay resulta sa walang humpay na kampanya ng kanyang mga tauhan laban sa undesirable alien sa Ninoy Aquino International Airport (NAIA) at iba pang port of entry sa bansa.
Sinabi nito na karamihan sa excluded aliens o hindi pinapasok sa Pilipinas ay napatunayan ng kanyang mga tauhan sa NAIA na hindi karapat-dapat na manirahan sa bansa dahil sa kahina-hinalang personalidad at hindi mapagkakatiwalaan, o aniya’y most likely become public charge.
Ang sinasabing public charge sa immigration parlance ay maaaring ang mga nasabing dayuhan ay umasa sa pamahalaan sa kanilang pangangailangan sapagkat wala silang kakayahang masustentuhan ang kanilang sarili habang naninirahan sa bansa, o magiging pasanin sila ng gobyerno.
Isa pang dahilan na hindi pinapayagan ang ilang dayuhan na makapasok sa bansa ay ang ginagawang pagsisiyasat o assessment ng mga immigration officer sa mga foreigner, sapagkat ayon sa kanila maaaring maging banta lamang ito sa seguridad ng bansa lalo na sa public health and safety.
Bukod dito ay walang entry visa ang mga dayuhan at walang outbound tickets na isa ring requirement sa mga dayuhan bago payagan pansamantalang manirahan sa bansa.
Ayon sa talaan ng BI, mga Chinese national ang nangunguna sa listahan sa mga excluded alien na umabot sa 583, sumunod ang 123 Indians, 103 Koreans, 72 Americans, at 36 Nigerians. F MORALLOS
Related posts:
2 PUGANTENG DAYUHANG NAGTAGO SA PINAS, NALAMBAT
133 DAYUHAN HINARANG NG IMMIGRATION
4 DAYUHAN NAHULI NG BI SA NAIA
7,700 ALIENS ‘DI NAKAPASOK SA PINAS
IMMIGRATION HIRAP SA SCREENING NG MGA DAYUHAN
MGA DAYUHAN PINAALALAHANAN NG PALASYO
MGA DAYUHAN BAWAL NA SA PINAS
DAYUHAN PAPAYAGANG LUMABAS NG BANSA
Comments are closed.