ARESTADO ang isang 18-anyos na lalaki matapos makumpiskahan ng higit sa P142,000 halaga ng ilegal na droga sa isinagawang buy-bust operation ng mga pulis sa Valenzuela City, kamakalawa ng gabi.
Kinilala ni Valenzuela police chief Col. Fernando Ortega ang naarestong suspek na si alyas Audrei ng Brgy. Baesa, Caloocan City.
Sa imbestigasyon ni PCpl. Christopher Quiao, dakong alas-6:20 ng gabi nang magsagawa ng buybust operation ang mga operatiba ng Station Drug Enforcement Unit (SDEU) sa pangunguna ni P/Capt. Segundino Bulan Jr. kontra sa suspek sa Brgy. Gen T De Leon.
Isa sa mga operatiba na poseur-buyer ang nagawang makapagtransaksyon sa suspek ng isang plastic sachet ng shabu.
Matapos tanggapin ng suspek ang P1,000 marked money mula sa poseur-buyer ay agad itong sinunggaban ng mga operatiba.
Nakumpiska ng mga pulis sa suspek ang humigi’t-kumulang sa 21 gramo ng shabu na tinatayang nasa P142,800.00 ang halaga, buy-bust money, P200 bill at cellphone. EVELYN GARCIA
Comments are closed.