SAUDI ARABIA – PINALAYA na ang 19 overseas Filipino workers (OFWs) na unang inakalang nagsagawa ng Halloween party sa Riyadh subalit posibleng makuwestiyon sa kasong moonlighting o nagtatrabaho bilang “part timers,” ayon sa isang Philippine official.
Sinabi ni Consul General Christopher Patrick Aro, iginiit ng mga OFW na hindi sila nagtatrabaho bilang organizer o participants sa party kundi mga partimer sila sa pinagdausan ng kasayahan.
Dagdag pa ni Aro, hindi naman nakasuot ng Halloween costume ang mga OFW kundi naka-uniporme bilang cleaners.
“Ang trabaho lang talaga nila ay maglinis lang sa venue ng event. Nakasuot sila ng puting polo, black na pan-talon at black na chaleco. ‘Yun lang ang suot nila, hindi sila naka-costume,” ayon kay Aro.
Bagaman pinalaya na ang 19 OFWs, inutusan sila ng Saudi authorities na huwag lisanin ang kanilang bansa dahil posibleng ipatawag sila para sa isang pagdinig sa nasabing kaso.
Pinayagan naman ang 19 na bumalik sa kanilang regular jobs habang wala pang kaso na naisasampa laban sa kanila dahil iniimbestigahan pa ang pangyayari. EUNICE C.
Related posts:
OFWs DAGSA NA SA POEA
OFWs SA SOKOR GALIT SA SINAPIT NA KABABAYAN NA NATAGPUAN SA WATER TANK
19 OFWs MULA KUWAIT PANIBAGONG BATCH NA NAKAUWI
19 OFWs MULA KUWAIT PANIBAGONG BATCH NA NAKAUWI
20 OFWs PINIGILANG ‘MAKALIPAD’ SA PEKENG PAPELES
2 OFWs NADALE SA ROAD ACCIDENT, 3 PA GRABE
OFWs PINAALALAHANAN LABAN SA SAKIT NG KALALAKIHAN
5 PINOY MINALAS SA CAR CRASH SA US
Comments are closed.