BASILAN – PATAY ang isang kawani ng Basilan Electric Cooperative (BEC) habang malubha ang isa pa nang pagbabarilin sila ng hindi nakikilalang suspek sa Isabela City.
Kinilala ang nasawi na si Alvin Pangilinan habang patuloy na ginagamot si Raymond Singson.
Naganap ang pamamaril dakong alas-11ng tanghali sa Barangay Sumagdag sakop ng nasabing lungsod.
Iniaayos ng dalawa ang linya ng kuryente sa Salain Drive nang lapitan ang mga ito ng suspek saka pinagbabaril.
Makaraang tumihaya ang dalawa dahil sa tama ng bala sa katawan ay tumakas ang nag-iisang salarin.
Aminado naman ang Isabela City Police Office na blangko sila sa pamamaril sa dalawa, na ayon sa kanilang opisina at kaanak ay wala namang kaalitan. EUNICE CELARIO
