MAGUINDANAO – HINDI na nagawa pang mailigtas ang buhay ng dalawang lalaki matapos na pagbabarilin ng mga armadong kalalakihan na nakasakay sa puting minivan sa national highway sa Brgy. Labu-Labu Mother, Shariff Aguak nitong Huwebes sa lalawigang ito.
Ang mga biktima na binawian ng buhay ay kinilala ng Shariff Aguak Municipal Police Station na sina Johari Moksin at Hamod Moksin, kapwa residente ng Brgy. Kulalo, Mamasapano, Maguindanao del Sur.
Sa inisyal na imbestigasyon, ang dalawang biktima ay nakasakay sa isang Honda Sports car at kasalukuyang bumibiyahe nang mag-ovetake sa kanila, ang isang kulay puting minivan at pinagbabaril sila ng mga armadong suspek na nakasakay sa naturang sasakyan.
Isinugod sa ospital ang mga biktima ngunit idineklarang dead-on-arrival ng attending physician.
Narekober sa crime scene ang walong fired catridges ng hindi pa tukoy na klase ng baril na ginamit ng mga suspek.
Patuloy ang isinasagawang imbestigasyon ng mga awtoridad para alamin kung ano ang motibo sa krimen at tukuyin kung sino ang mga salarin.
EVELYN GARCIA
Related posts:
(Bombang natagpuan sa kubo kinalas) KALSADA SA MAGUINDANAO ISINARA, SINURI
CHECKPOINT SA MAGUINDANAO PINASABOG
PAGSABOG SA MAGUINDANAO IN-IIMBESTIGAHAN NA
(Habang papalapit ang promulgasyon ng Ampatuan massacre) SERYE NG PATAYAN SA MAGUINDANAO TUMITINDI
MAGUINDANAO MAYOR ITINUMBA SA MAYNILA
14 BIFF, 4 MILITAR DEDO SA MAGUINDANAO ENCOUNTER
(Gobernador inambus: 4 patay) PERMIT TO CARRY FIREARMS SINUSPINDE SA LANAO DEL SUR, MAGUINDANAO
11 SUSPEK NA NAMARIL KAY MAYOR SINSUAT KINASUHAN NA