HINDI pa nakatitiyak kung mayroong malaking epekto sa resulta o kahit sa kredibilidad ng Eleksyon 2022 ang 1.61% mismatch sa election returns o ERs na nakita ng Parish Pastoral Council for Responsible Voting (PPCRV).
Ito ang inihayag ni Atty. Vann dela Cruz, ang tagapagsalita ng PPCRV, kasunod ng ilang mga “concern” o pag-aalala kaugnay sa 1.61% ER mismatch.
Sa isang mensahe, ipinaliwanag ni Dela Cruz na hindi pa masasabi kung may epekto nga ba ito dahil “for revalidation” pa ang mga ito.
Posible rin aniya na mayroong “typos” dahil sa unreadable o hindi mabasa ang ilang ERs.
Pagtitiyak naman ni Dela Cruz, kung anuman ang lumabas o magiging resulta ng kanilang ginagawa ay maghahanda ang PPCRV ng report o ilalahad nila ito sa publiko.
Sa naunang pahayag ng PPCRV, naitala ang 1.61% mismatch sa 240 ERs at sa transparency media server para sa Eleksyon 2022, pero maaaring ito ay dahil lamang sa hindi sinasadyang “error” ng ilang pagod na volunteers.
Ang Commission on Elections (Comelec) naman ay gumagarantiya na walang dapat ikabahala rito dahil hindi naman ito makaaapekto sa resulta ng eleksiyon lalo na sa national positions. JEFF GALLOS
Related posts:
2022 POLLS HINILING IPAGPALIBAN
POSTPONEMENT NG HALALAN ‘DI KAILANGAN-COMELEC
PDA NG MGA KANDIDATO BAWAL (Comelec suportahan,FLAG-MAHARLIKA nanawagan)
BBM NANAWAGAN NG PAGKAKAISA PARA SA MALINIS NA HALALAN
DEPED, COMELEC, DOST, MAGKASANIB SA HALALAN 2022
DSWD, OVP EXEMPTED SA ELECTION SPENDING BAN NG COMELEC
PAGDARAOS NG HALALAN WALANG MAKAPIPIGIL – COMELEC
MAHIGIT 2K NAGPAREHISTRO SA COMELEC PATEROS