TUMATAAS ang bilang ng mga Pinoy na sasabak sa Paris, gayundin ang pananabik habang naghahanda ang bansa para sa ika-100 taong paglahok nito sa Olympics.
“Eleven, formally, and counting,” wika ni Philippine Olympic Committee (POC) president Bambol Tolentino nitong Linggo, isang araw makaraang sina gymnast Levi Jung-Ruivivar at rower Joanie Delgaco ay opisyal na naging ika-10 at ika-11 Filipino Paris Olympian sa loob lamang ng mahigit 24 oras.
Si Jung-Ruivivar ay nag-qualify noong Biyernes ng gabi sa FIG Artistic Gymnastics World Cup sa Doha kung saan nagwagi siya ng silver medal at nakakuha ng sapat na qualification points upang maging ikatlong Filipino gymnast na sasabak sa Paris matapos nina Carlos Yulo at Aleah Finnegan.
Nitong Linggo ng umaga, si Delgaco ay tumapos sa fifth sa 2,000 meters ng women’s single sculls sa World Rowing Asian and Oceania Olympic at Paralympic Qualification Regatta and Asian Rowing Cup sa Chungju, South Korea, sapat para makakuha ng ticket sa Paris.
“Congratulations to our new qualified Olympians,” sabi ni Tolentino sa kanyang official Facebook page, binanggit na si Delgaco ang unang Filipina rower na nag-qualify sa Olympics.
“Their dedication, perseverance and exceptional talent are an inspiration to us all.”
“The POC extends its heartfelt congratulations and best wishes for continued success as they compete in Paris 2024,” ani Tolentino. “The entire Philippines stands behind you.”
Sina Jung-Ruivivar at Delgaco ay kapwa surprise packages sa Olympic qualifiers, halos 100 araw bago ang Paris Olympics.
Si weightlifter Rosegie Ramos ay hindi opisyal na ika-12 Pinoy na nag-qualify sa Paris habang hinihintay ang kritikal na anunsiyo ng International Weightlifting Federation sa roster para sa Games.
Ang bansa ay may garantisado ring tatlong qualifiers— isa sa athletics at dalawa sa swimming— sa ilalim ng universality rule upang maging 15 ang bilang ng Filipino Olympian ‘unofficially’.
“We expect more of our athletes to be in Paris as the qualifiers in various sports are still being conducted,” sabi ni Tolentino.
Pasok na rin sa Paris sina pole vaulter Ernest John “EJ” Obiena, boxers Eumir Felix Marcial, Nesthy Petecio at Aira Villegas at weightlifters Vanessa Sarno, Erleen Ann Ando at John Febuar Ceniza.
CLYDE MARIANO
Related posts:
MAS MARAMING MEDALYA HANGAD NI PBBM SA PARIS OLYMPICS
ASIAN GAMES KRUSYAL SA PH ATHLETES NA SASABAK SA OLYMPIC QUALIFYING
(Inaasahan ng POC)12 PINOY ATHLETES SA PARIS OLYMPICS
BAMBOL SA SPECIAL SESSION NG PSA FORUM
KYLA SANCHEZ SINERTIPIKAHAN NG IOC NA ISANG PINOY
2023 ISANG MALAKING TAGUMPAY, 2024 ISANG MABIGAT NA HAMON – POC CHIEF
PACQUIAO SA PARIS OLYMPICS IBINASURA NG IOC
HOUSE AND LOT NAGHIHINTAY SA GOLD WINNER SA PARIS