BULACAN- ARESTADO ang dalawang lalaki na nagpakilalang pulis na sangkot sa robbery hold-up sa siyudad ng Malolos.
Sa inisyal na ulat ni Lt.Col Ferdinand Germino, kinilala ang mga pekeng pulis na sina Regie Garcia 32-anyos, factory worker at Angelo Asistin, 27-anyos, sapatero, kapwa residente ng Brgy, Tikay sa nabangit na lungsod.
Base sa imbestigasyon ng mga awtoridad nadakip sina Garcia at Asistin makaraang magsumbong sa
pulis ang biktimang si alyas John na hinoldap.
Dahil dito, agad nagsagawa ng follow up operation ang mga pulis na nagresulta sa pagkakadakip ng dalawa sa Brgy. San Juan sa naturang lungsod.
Nabawi mula sa mga suspek ang isang wallet na naglalaman ng ID’s, ATM card at P7000.00 .
Positibo rin silang kinilala ng kanilang mga naging biktima, samantala detenido ngayon ang mga suspek sa Malolos City Jail habang inihahanda ang kaukulang kaso laban sa kanila. THONY ARCENAL