LEYTE – PATULOY na pinaghahanap ng mga awtoridad ang dalawang preso na nakatakas mula sa Leyte Sub-Provincial Jail sa Barangay Veloso, Calubian sa lalawigang ito nitong Huwebes.
Batay sa ulat, ang mga nakatakas ay kinilalang sina Arnel Halichic, 44-anyos ng Barangay Cabalquinto, Calubian at Reggie Pepito, 32-anyos ng Barangay Suba, Villaba, Leyte.
Ayon sa report na isinumite ng jail officer ng Leyte Sub-Provincial Jail, nakatakas ang dalawang bilanggo dakong alas-3:20 ng hapon sa pamamagitan ng pagtalon sa isang hindi pa tapos na konkretong pader.
Sumakay sila sa isang motorsiklo na naghihintay sa labas ng pasilidad patungo sa katimugang bahagi ng Calubian.
Hanggang sa kasalukuyan ay patuloy na nagsasagawa ng follow-up ang awtoridad at pakikipag-ugnayan sa mga himpilan ng pulisya upang magsagawa ng mga check point at drug net operations para sa agarang ikadarakip sa nakatakas nilang preso.
EVELYN GARCIA
Related posts:
(5 pulis,1 staff at 1 preso nagka-COVID-19) CALAPAN CITY POLICE NAKA-LOCKDOWN
TUMAKAS NA PRESO SA LAGUNA ARESTADO
BEBOT UTAS BUNDOL NG SUV
2 MATAAS NA OPISYAL NG NPA PATAY SA ENGKUWENTRO
TSERMAN PATAY, KAGAWAD SUGATAN SA PAMAMARIL
KASAMBAHAY BINURDAHAN NG 50 SAKSAK SA KATAWAN
SASAKYAN NG ALKALDE NIRATRAT, DRAYBER SUGATAN
(Sa loob ng himpilan) NANG-AGAW NG BARIL PATAY, 2 PULIS SUGATAN