CAMARINES SUR – KALABOSO ang 20 katao nang salakayin ang pinaniniwalaang drug den sa Barangay San Agustin, Iriga City.
Ayon sa Camarines Sur Police Provincial Office, nagsagawa ng magkakasunod na search warrant operation ang pulisya katuwang ang Philippine Drug Enforcement Agency sa mga suspek na sina Baldwin Colarina, Mary Melda Colarina, Sonny Benosa at Joseph Benosa.
Ngunit pagdating sa nasabing lugar, hindi naabutan ang subject na si Baldwin ngunit isinilbi pa rin ng awtoridad ang search warrant sa pamilya ng suspek..
Dito nakumpiska ang isang sachet ng pinaniniwalaang shabu at mga drug paraphernalia.
Dalawang bahay pa ang sunod na sinilbihan ng kaparehong search warrant ng awtoridad kung saan ilang sachet ng pinaniniwalaang shabu at marijuana rin ang nakuha kasama ng mga drug paraphernalia.
Samantala, sa gitna ng operasyon ay naabutan ng operating team ang humigit-kumulang sa 20 katao sa parehong lugar na agad ding inaresto. PILIPINO MIRROR REPORTORIAL TEAM
Comments are closed.