NASA 29 milyong Filipino ang nababahala sa talamak na pagpapakalat ng fake news sa internet at maging sa mass media, ayon sa ginawang pag-aaral ng Social Weather Station (SWS).
“Sixty seven percent of Filipinos who use the internet said there is a serious problem with the proliferation of fake news within online sites, while 60 percent expressed grave concern for mass media sites,” ayon sa SWS.
Sa huling survey ng SWS ay lumalabas na 67 porsiyento o 29 milyong Pinoy ang naniniwala na seryosong problema ang talamak na pagkalat ng fake news.
Nabatid pa na 42% ng mga Filipino o 44 milyon ang gumagamit ng internet araw-araw at 29 milyon ang nagsabing seryosong problema ang paglaganap ng fake news sa internet.
Naniniwala naman ang 13% na hindi ito seryoso habang 20% ang undecided.
Sa kabuuan, mas mababa ang +54 net score nito kaysa +65 score noong Disyembre 2017.
Samantala, 60% ng mga Filipino ang naniniwalang seryosong banta rin ang fake news sa mass media. Hindi naman ito seryoso para sa 13% at 27% ang undecided.
Naniniwala naman ang 61% na seryoso ang gobyerno sa pagsawata ng fake news sa mass media, gaya ng radyo, telebisyon at diyaryo. Walong porsiyento naman ang nagsabing hindi seryoso ang gobyerno rito, habang 31% ang undecided.
Isinagawa ng SWS ang survey sa 1,200 adult respondents noong Disyembre 8-16 at noong Marso 23-27 sa pamamagitan ng face-to-face interviews.
Sa sinasabing 29 milyong Pinoy na nagsasabing nakababahala ang pagpapalaganap ng fake news sa internet, 40 percent nito ang nagsabing lubhang malala ang problema sa paglaganap ng fake news habang 26 percent naman ang nagsabing hindi ito gaanong malala, habang may 20 percent ang undecided at 13 percent ang nagsabing hindi ito problema.
Ayon sa SWS, mas maraming netizen sa Metro Manila at Luzon ang naniniwalang malala ang suliranin sa paglaganap ng fake news na umaabot sa 71 percent, habang 68 percent sa Visayas at 52 percent sa Mindanao kung saan mga college graduate at mga nakabilang sa Classes A, B, and C ang nagpahayag ng pagkabahala. VERLIN RUIZ
Related posts:
NCOV SA PGH, FAKE NEWS
BAGONG BATAS VS FAKE NEWS PAG ATAKE SA PRESS FREEDOM
MABIGAT NA PARUSA SA TESTIGONG MAYBIBIGAY NG FAKE NEWS
BONG GO REMINDS PUBLIC TO USE SOCIAL MEDIA RESPONSIBLY; URGES DOJ AND NBI TO CRACK DOWN ON FAKE NEWS AND FAKE SOCMED ACCOUNTS
BBM CAMP PUMALAG: ULAT NA PAGLAPIT SA CAMBRIDGE ANALYTICA FAKE NEWS
KUMALAT NA MAY LOCKDOWN ULIT FAKE NEWS-PALASYO
NAGPAPAKALAT NG FAKE NEWS SA BAKUNAHAN, MANANAGOT
MGA KANDIDATO, HINIMOK NG OBISPO NA IWASANG MAGPAKALAT NG FAKE NEWS PARA MANALO SA ELEKSIYON