PASAY CITY – TATLONG Chinese ang inaresto ng Pasay City police matapos kidnapin ng mga ito ang isa nilang kababayan na may utang sa kanila dahil sa casino kamakalawa ng gabi.
Nasa kostudiya na ng Pasay City Police ang mga suspek na kinilalang sina Li Gen, 32; He Xiang at Wang Jun, kapwa nasa 29-anyos at pawang mga turista.
Kinilala naman ng pulisya ang biktima na si Zhou Zheng Qiang, 26, isa ring Chinese national.
Sa report ng Pasay City Police, dakong 8:15 kamakalawa ng gabi nang madakip ang mga suspek sa Toll Plaza Skyway, West bound lane, harapan ng NAIA Terminal 3, Villamor Airbase, Pasay City.
Nagpapatrolya ang mga kagawad ng Pasay City Police sa nabanggit na lugar nang namataan nila ang isang Chevrolet na may plakang TOJ-216 kung saan hindi naka-seatbelt ang driver nito na si Wang Jun.
Napansin ng mga pulis na ang dalawang kasamang lalaki ng driver ay may ginugulping isa pang lalaki sa loob ng sasakyan.
Kaagad itong pinatigil ng mga pulis at dito nila nadiskubre na kinidnap ng mga suspek ang nasabing biktima.
Mabilis namang inaresto ng mga pulis ang tatlong Chinese nationals at dinala ang mga ito sa himpilan ng pulisya at dito na sinalaysay ng biktima ang sinapit niya mula sa mga suspek. MARIVIC FERNANDEZ
Related posts:
TOTOY NAKALIGTAS SA KIDNAP
3 CHINESE NA DUMUKOT SA KABABAYANG CALL CENTER AGENT TIKLO
5 SA KIDNAP-TRY SA CHINESE TIKLO
(Puting van strikes again, mga dinukot inalisan ng organ) KIDNAPPING SA KABATAAN: FAKE NEWS O TOTOO?
6 CHINESE NA KUMIDNAP SA 3 BEBOT KALABOSO
7 ASG KIDNAPPERS NAPATAY SA SULU SEA
KILABOT NA MIYEMBRO NG LAPPAY KFRG MEMBER HULI
Comments are closed.