3 FOREIGNER TIMBOG SA PEKENG TRAVEL DOCS

NASABAT ng mga tauhan ng Bureau of Immigration sa Ninoy Aquino International Airport (NAIA) ang tatlong dayuhan dahil sa pagdadala ng mga bogus na dokumento.

Sa impormasyon  mula sa BI, na-intercept ang mga  dayuhan  sa magkakahiwa­lay na pagkakataon sa  NAIA Terminal 2 at terminal 3.

Dalawa sa mga naaresto ay Chinese national at ang isa ay African national.

Nag-iingat umano ng pekeng Canadian visa ang mga  Chinese  habang  bogus  ang  passport ng African  na si Mohamed Keita.

Kinilala ni BI Travel Control and Enforcement Unit, (TCEU) chief Maria Timotea Barizo ang isa sa mga Chinese national na si Sonny Tamayo Liang  na  nahuli sa NAIA terminal 3 noong Setyembre 3  pagbaba mula sa kanyang flight galing sa Bangkok.

Hindi  pinayagan ng BI na makapasok sa bansa ang African dahil hindi niya mai­paliwanag ang kanyang layunin sa pagpunta sa Fi­lipinas.

Nasa  BI detention faci­lities sa Camp Bagong Diwa  sa Taguig City  ang tatlo at kasalukuyang pinoproseso ang deportation or-der laban sa  mga ito.    FROILAN MORALLOS