CAVITE – ARESTADO ang tatlong nanay na sangkot sa drug trade nang makumpiskahan ng P36 milyong halaga na shabu sa isinagawang buy-bust operation ng mga awtoridad sa Brgy. Molino 3, Bacoor City nitong Lunes ng gabi.
Base sa police report na naisumite sa Camp Pantaleon Garcia, kinilala ni P/Col. Marlon Santos ang mga suspek na sina Annabel Natividad y Mayol, 52-anyos; Teresita Daan y Inoc, 52-anyos; at si Riza Aguilo y Tejas, 43-anyos, pawang nakatira sa Carson Camilla Subd. sa nasabing barangay at nasa drug watchlist ng PNP.
Batay sa ulat, may natanggap na impormasyon ang QCPD Station SDEU kasama RID-NCRPO, RSOU PRO4A Cavite PIU at Bacoor CPS na sangkot sa drug trade ang mga suspek na nagpapakalat ng droga sa iba’t ibang lugar sa Cavite.
Kaagad naman nakipag-ugnayan ang mga operatiba ng pulisya sa PDEA-National Operation Center kung saan matagumpay naman naisagawa ang anti- drug operation na nagresulta sa pagkakaaresto sa mga suspek.
Nasamsam ang 5 kilong shabu at karagdagang 300 gramo na may street value na P 36, 040, 000.00 habang narekober naman ang marked money na ginamit sa buy- bust operation.
Isinailalim na sa drug test at physical examination ang mga suspek habang pina-chemical analysis naman ang nasamsam na shabu bilang ebidensiya sa pagsasampa ng kaukulang kasong kriminal sa Office of the Provincial Prosecutor. MHAR BASCO
Related posts:
RE-ELECTED BRGY. CHAIRMAN DINAKIP SA SHABU
4 HULI SA P3.5-M SHABU
KELOT ARESTADO DAHIL SA GRANADA AT SHABU
GINANG NA NAG-VIRAL SA SOCMED TIMBOG SA BUY BUST
P7-M HALAGA NG SHABU NAKUMPISKA SA BUY BUST
TAIWANESE TIMBOG SA BUY BUST, HIGIT P20-M SHABU NAKUMPISKA
14 SACHET NG SHABU NAREKOBER SA 2 DRUG PERSONALITIES
P6-MILLION SHABU NASAMSAM SA DRUG OPS
Comments are closed.