MALABON CITY – NASAKOTE ang tatlong hinihinalang sangkot sa ilegal na droga kabilang ang dalawang bebot sa isinagawang buy bust operation ng mga pulis kamakalawa ng gabi.
Kinilala ang mga naarestong suspek na sina Generose Quintos alyas “Jheng”, 39, ng A. Martin St., Tugatog; Mon Jigger Del Rosario, 29, ng Brgy. Caloocan City; at Sherry Fernandez, 30, ng Gozon Compd. Tonsuya.
Sa imbestigasyon ni PSSg Jun Belbes, alas-11:30 ng gabi nang ikasa ng mga operatiba ng Station Drug Enforcement Team sa pangunguna ni PLT Zoilo Arquillo ang buy bust operation kontra sa mga suspek sa kahabaan ng Nirvana St., Tugatog.
Nagawang makaiskor sa mga suspek ng isang sachet ng shabu ng isang pulis na nagpanggap na buyer kapalit ng P300 marked money.
Nang makuha ng back-up na mga operatiba mula sa buyer na nagkaabutan na agad sumugod ang mga ito saka sinunggaban ang mga suspek.
Nakumpiska kay Qunitos Del Rosario ang marked money at 10 pang plastic sachets na naglalaman ng hindi pa matukoy na dami at halaga ng hinihinalang shabu habang nakuha naman kay Fernandez ang dalawang sachet ng hinihinalang shabu. EVELYN GARCIA
