SLOVAKIA – Patay ang isang 36-anyos na Overseas Filipino Worker (OFW) sa isang ospital sa Slovakia ilang araw matapos bugbugin dahil sa pagtatanggol sa dalawang babaeng inaabuso, ayon sa pahayag ng Department of Foreign Affairs (DFA).
Kinilala ng DFA ang biktima na si Henry John Acorda, 36, empleyado ng isang multinational company.
Namatay si Acorda sa University Hospital Ruźjnov noong May 31 sanhi ng mga tinamong pinsala dahil sa pag-atake sa kanya sa Bratislava, kabisera ng Slovakia, noong May 26.
Nangako naman si Philippine Foreign Secretary Alan Peter Cayetano na mananagot ang mga may sala sa pagkamatay ni Acorda.
Aniya, isang bayani si Acorda na dapat kilalanin ang kabayanihan.
Ayon sa DFA, nakakulong na ang isang 28-anyos na Slovak na may kaugnayan sa insidente at nakasuhan na rin ng “manslaughter.”
Dumating na rin sa Slovakia ang ina at dalawang kapatid ni Acorda upang maipadala ang kanyang bangkay sa Pilipinas. NENET L. VILLAFANIA
Related posts:
OFWs TODO INGAT VS SANDSTORM
OFW WAGI SA DANCE COMPETITION
OFWs MGA PINOY SA ISRAEL PINAG-IINGAT VS KILOS PROTESTA
SKILLED AT PROFESSIONAL OFWs SA KUWAIT ‘DI NA OBLIGADONG UMUWI
LABI NG OFW NA NATAGPUAN SA SEPTIC TANK IUUWI NA
HUSTISYA SIGAW NG PAMILYA NG OFW NA NAHULOG SA GUSALI SA LEBANON
LABI NG NAPATAY NA OFW SA SLOVAKIA NAIUWI NA
OFW NAMATAY SA BRAIN CANCER
Comments are closed.