Standings:
W L
NorthPort 4 1
Blackwater 4 1
TNT Katropa 3 1
Barangay Ginebra 2 1
Alaska 3 2
Meralco 2 2
Phoenix 1 1
Columbian 1 3
Magnolia 0 1
San Miguel 0 1
Rain or Shine 0 2
NLEX 0 4
Mga laro ngayon:
(Araneta Coliseum)
4:30 p.m. – Meralco vs Phoenix
7 p.m. – Rain or Shine vs Ginebra
PUNTIRYA ng Barangay Ginebra ang ika-3 sunod na panalo sa pakikipagtipan sa Rain or Shine sa pagpapatuloy ng aksiyon sa PBA Commissioner’s Cup ngayon sa Araneta Coliseum.
Nakatakda ang sagupaan ng Kings at Elasto Painters sa alas-7 ng gabi matapos ang duelo ng Phoenix at Meralco sa alas-4:30 ng hapon.
Pinapaboran ang Barangay Ginebra kontra RoS na natalo sa una nilang dalawang laro matapos na lisanin ni top center Raymond Almazan upang lumipat sa Meralco.
Sa import match-up ay lamang si Justine Brownlee kay Denzel Bowles at ang twin towers nina Japeth Aguilar at Greg Slaughter ay walang kalaban sa low post dahil kulang sa taas at laki sina Beau Belga at Jewel Ponferrada na ipantatapat ng Elasto Painters.
Samantala, inaasahang dadaan ang Phoenix sa matinding pagsubok laban sa Meralco at para makuha ang ikalawang panalo ay kailangan nilang maglaro bilang isang koponan at muling ilabas ni import Rob Dozier ang kanyang husay kontra Gani Lawal sa una nilang paghaharap.
Aminado si coach Louie Alas na hindi madaling talunin ang Meralco ni coach Norman Black.
“Meralco is tough. To win, we have to play solid game and solidify our defense and play aggressive against Lawal,” sabi ni Alas.
Muling sasandal si Alas sa kanyang mga gunner na sina Filipino-Canadian Matthew Wright, Jason Perkins, Dough Kramer, RJ Jazul, LA Revilla, JC Intal, Justine Chua at Alex Mallari. CLYDE MARIANO
Comments are closed.