MALABON CITY – NASAKOTE ang apat katao kabilang ang isang menor de edad matapos makuhanan ng mga pulis ng marijuana sa lungsod na ito, kahapon ng madaling araw.
Kinilala ni Malabon Police Sr. Insp. Ronald Carlos ang mga naarestong suspek na si Danrey Kenneth Potolin, 21, ng Taguig City, Niel Mitchel Piguing, 18, ng Navotas City, Francis John Gallardo, 19, ng Baritan, Malabon at ang 17-anyos na binatilyo ng San Agustin, Malabon.
Sa imbestigasyon ni PO3 Jun Belbes, alas-3 ng madaling araw, nagpapatrolya ang mga tauhan ng Malabon Police Community Precinct (PCP) 6 sa kahabaan ng Nibungco St., San Agustin nang isang concerned citizen ang lumapit at ipaalam sa kanila ang hinggil sa grupo ng indibidwal na sumisinghot umano ng marijuana.
Mabilis na rumesponde ang mga pulis sa naturang lugar at nakita ng mga ito ang mga suspek na magkakaharap habang abala sa pagbusisi ng apat na plastic sachets na naglalaman ng hinihinalang pinatuyong dahon ng marijuana na nagresulta sa pagkakaaresto sa mga ito.
Sinampahan ang mga suspek ng pulisya ng kasong paglabag sa RA 9165 sa Malabon City Prosecutor’s Office habang dinala naman sa pangangalaga ng DSWD ang menor. EVELYN GARCIA
Related posts:
7 TINEDYER NASAKOTE SA P3-M MARIJUANA
P340K MARIJUANA NASAMSAM SA 2 TULAK
ESTUDYANTE AT KA-LIVE-IN TIMBOG SA BUY BUST
UMAK STUDE NAKUMPISKAHAN NG ‘DAMO’
(3 kelot sa online buy and sell tiklo) BENTAHAN NG MARIJUANA BUKING SA GROUP CHAT
P60K MARIJUANA NASABAT SA TULAK
‘LUCKY’ MINALAS SA CHONGKI
P120K MARIJUANA NASABAT SA BAGETS
Comments are closed.