CAGAYAN – PATAY ang isang binatilyo habang malubha ang lagay ng tatlo nitong kasama matapos na masangkot sa vehicular accident sa bayan ng Gattaran.
Kinilala ni P/Major Norly Gamal, hepe ng Gattaran Police Station ang nasawi na si Glenson Benderlipe, 15, habang sugatan sina John Carlo Sacobo,16-anyos, pawang residente ng Barangay Agani, Alcala, Cagayan; Franco Varila, 15-anyos, residente ng Barangay Pussian at Roderick Duce, 16-anyos, residente ng Barangay San Esteban, Gattaran.
Pauwi na ang mga biktima pagdating sa papalikong bahagi ng Daang Maharlika nang hindi mapansin ng dalawang motorsiklo na lulan ang mga biktima ang kasalubong na dump truck na minamaneho ni John Sales, 39, ng Barangay Guising dahilan upang salpukin nito ang dalawang motorsiklo.
Nagtamo ng malubhang sugat si Banderlipe na dahilan ng kanyang kamatayan.
Sinabi ni Gamal na walang suot na helmet ang apat na biktima nang mangyari ang insidente. IRENE GONZALES
Related posts:
(Mga nagja-jogging sa Rizal inararo ng sasakyan) BLOODY TUESDAY: 11 NAPURUHAN SA KALSADA
JEEP AT BUS NAGSALPUKAN, 1 PASAHERO MINALAS
BUS VS MOTOR MAG-AMAIN SAPOL
PICK-UP VS. TRIKE: PITO MINALAS
DALAWANG TAO SUGATAN SA KARAMBOLA NG PITONG SASAKYAN
AMA TIMBUWANG, ANAK SUGATAN SA VEHICULAR ACCIDENT
TRIKE PASSENGER MINALAS SA VEHICULAR ACCIDENT
ROAD MISHAP, PULIS AT TIYAHIN NAPURUHAN