CALOOCAN CITY – ARESTADO ang apat na hinihinalang sangkot sa ilegal na droga kabilang ang babysitter sa isinagawang buy bust operation ng mga pulis.
Sa ulat, dakong alas-6:00 ng umaga nang ikasa ng mga operatiba ng Station Drug Enforcement Unit (SDEU) sa pangunguna ni PCPT Deo Cabildo ang buy bust operation kontra sa dalawang umano’y drug pusher na si Sandy Aderes alyas “Andong”, 28 at Richard Misa, 38, sa Pili St., Area D, Brgy. 178, Camarin.
Matapos iabot ng mga suspek ang isang sachet ng shabu kay Pat. Rudolf Mendoza na umaktong buyer kapalit ng P200 marked money agad kumilos ang back-up na mga operatiba at sinunggaban ang dalawa.
Narekober kay Aderes ang buy bust money habang nakuha naman kay Misa ang isang plastic sachet ng hinihinalang shabu.
Nadakip din sa operation si Jerry Boy Lubong, 25 at Goldianne Grace Carola, 25, matapos maaktuhang umiiskor ng shabu sa mga suspek at nakumpiska sa mga ito ang dalawang plastic sachet ng hinihinalang shabu. EVELYN GARCIA
